Sýret: yuz.uz
Osy turǵydan alǵanda ǵylymı-tehnologııalyq hakatondar tıimdi tetik bolyp tur. Bul tetik óndiris, ǵylym ókilderin jáne sheshim qabyldaıtyn basqarý quramyn bir platformaǵa biriktirýge múmkindik beredi. «Qazaqmys korporasııasy» jaýapkershiligi shekteýli seriktestigimen birlesip uıymdastyrylǵan ǵylymı-ınnovasııalyq hakatonda birqatar ǵylymı-tehnologııalyq taqyryptar aıqyndaldy. Ǵylymnyń kúsh-jigeri kásiporyndardyń naqty qoldanbaly qajettilikterin sheshýge baǵyttalady. Hakaton qorytyndylary boıynsha ǵylymı-tehnıkalyq qyzmetti damytýdyń basym baǵyttaryn qalyptastyrýdyń jańa tetikteri men tásilderi, naqty ekonomıkanyń suranystary men qajettilikterin sheshý, ǵylym men bıznestiń kooperasııasyn jaqsartý, sondaı-aq jańa ónim óndirý úshin, onyń ishinde ulttyq ekonomıka tutynýshylarynyń qajettilikterin jabý úshin kommersııalandyrý jobalaryn ilgeriletý jáne eksporttyq sheshimder ázirlenip jatyr. Qazirgi ýaqytta «ERG», «KazMinerals», «KazAtomProm» sııaqty iri kompanııalarmen jáne basqa da ónerkásiptik kásiporyndarmen uqsas is-sharalardy uıymdastyrý boıynsha belsendi jumys júrgizilip jatyr.
Sondaı-aq, Prezıdent 102 Zań qabyldanǵanyn, onyń ishinde ǵylym men bıznestiń ıntegrasııasyn tereńdetýge baǵyttalǵan kommersııalandyrý salasyndaǵy Ǵylym qorynyń fýnksııalaryn keńeıtken «Ǵylym jáne tehnologııalyq saıasat týraly» Zańnyń qabyldanǵanyn aıtty.
Jańa fýnksııalar qoldanbaly ǵylymı jobalardy ilgeriletý jáne qoldaý quraldaryn ázirleýge jáne iske asyrýǵa múmkindik beredi. Mysaly, akselerasııa jáne ınkýbasııa qoldanbaly ǵylymı jobalardy josparlaý jáne iske asyrý jónindegi tásilderdi bıznes-baǵdarlanǵan ortaǵa neǵurlym ornyqty ete otyryp jáne kásipkerlermen ıntegrasııalaný múmkindikterin arttyra otyryp, ózgertý múmkindigin usynady. О́z kezeginde venchýrlik qarjylandyrýdy damytý tásilderin iske asyrý jobalardy qarjylandyrý tizbegin keńeıtýge múmkindik beretin qoldaýdyń jańa quralyn, onyń ishinde deeptech jobalaryna ınvestısııalar tartýdyń bastapqy raýndtarynda da, sondaı-aq jańa naryqtarǵa masshtabtaý jáne ekspansııa kezeńinde de engizýge jaǵdaı jasaıdy. Qabyldanǵan sharalar el ekonomıkasyna ǵylymnyń úlesin arttyrýǵa serpin beretini sózsiz.
2022 jyldan bastap biz qoldanbaly ǵylymı jobalardy qarjylandyrýdyń turaqty ósýin baıqap otyrmyz, bul osy saladaǵy turaqty damýǵa negiz bolady. Ǵalymdar joǵary belsendilikti jáne jeke ınvestorlarmen sapaly ózara qarym-qatynasty kórsetip jatyr, sebebi ekonomıkanyń basym sektorlarynyń ótinimderi boıynsha jeke qarjylandyrýdy mindetti túrde tartý – Qordyń granttyq qarjylandyrý talaby. Túpkilikti nátıje ǵylymdy qajetsinetin ekonomıka úshin kóptegen óndirister qurý, jańa jumys oryndary, alys jaqyn shet elderge eksportty júzege asyrýdan kórinedi.
Kamıl AQATOV,
«Ǵylym qory» AQ basqarma tóraǵasy
