«Qatysýshynyń ózindik kıim úlgisi men sahna mádenıetin saqtaýy talap etiledi. Qazaq, aǵylshyn jáne orys tilinde ótetin baıqaý úsh kezeńnen turady», dedi Aqtaý qalalyq ishki saıasat jáne tilderdi damytý bóliminiń bas mamany Aızanat Kenjeǵul.
Sondaı-aq ózge ult ókilderi arasynda maqal-mátelden «Til – tarıhtyń aınasy» baıqaýy bastaldy. Bul saıys ta Aqtaý qalalyq ishki saıasat jáne tilderdi damytý bóliminiń memlekettik áleýmettik tapsyrysy aıasynda «Salamatty el» qoǵamdyq qorynyń uıymdastyrýymen ótkizilip jatyr. Memlekettik tildiń qoldanys aıasyn keńeıtý, til mádenıetin kóterý, qazaq tiliniń etnosaralyq qarym-qatynas tili retindegi qyzmetin nyǵaıtý maqsatyndaǵy saıysqa 15-20 jas jáne 25-45 jas aralyǵyndaǵy ózge ult ókilderi qatysa alady.
Uıymdastyrýshylardyń aıtýynsha, baıqaý úı tapsyrmasynan jáne tórt kezeńnen turady. Qatysýshylar aldymen «Úı tapsyrmasy» boıynsha ózin qysqametrajdy beınerolık arqyly tanystyrady, onda qatysýshynyń aty-jóni, qyzyǵýshylyqtary, qoǵamdyq ómirdegi jetistikteri, aldyna qoıǵan maqsat-mindetteri, qazaq tiliniń qoldanys aıasyn keńeıtýge qosyp júrgen úlesi, t.b. qamtylýǵa tıis. Kelesi kezeńderde maqal-mátel aıtýdan jarysyp, olardyń maǵynasyn túsindirýden synǵa túsedi. Al úshinshi kezeńde maqal-máteldiń jalǵasyn taýyp, sońǵy kezeńde maqal-mátelder boıynsha suraqtarǵa jaýap beredi.
Tilder merekesine oraı ótkiziletin is-shara tek bul saıystarmen shektelmeıdi, birneshe kúnge ulasatyn is-sharalar memlekettik tildiń mereıin kóterýge negizdelgen.
Mańǵystaý oblysy
