Soltústik Qazaqstanda meńgerýshi qyzmetinen bosatyldy

PETROPAVL. 26 qańtar. Soltústik Qazaqstan oblystyq tártiptik keńestiń músheleri   sybaılas jemqorlyqqa qarsy kúres zańnamasyn burmalaýshylyqqa jol berdi dep kiná taǵylǵan qos basshyny qatań jazaǵa tartý týraly sheshim qabyldady. Bul jóninde egemen.kz tilshisi habarlady. Esil aýdanyndaǵy Jarqaıyń bastaýysh mektebiniń meńgerýshisi Kemel Takıshev byltyr qazan aıynda negizgi qyzmetine qosa, ózi basqaratyn bilim mekemesi qazandyǵynyń otjaǵýshysy myndetin qosa atqarý jóninde buıryq shyǵarǵan. Alaıda, ózge úsh otjaǵýshyǵa birneshe ret kómekteskeni bolmasa olarmen birdeı jumys atqarmaǵanyna qaramastan, tolyq jalaqy alyp otyrǵan. Osy jaıt prokýratýra tekserisi barysynda anyqtalyp, kinási tolyq moıyndalǵan. Ol óz is-áreketi úshin aqtalýǵa tyrysqanymen, tártiptik keńes múshelerin ılandyra almady. Bastaýysh mektep meńgerýshisin qyzmetinene bosatý týraly usynys biraýyzdan qabyldandy. О́mir Esqalı. Derek: egemen.kz. Sýret: nesvish-news.by.