Foto:Aqorda
Áńgimelesý barysynda el ekonomıkasynyń ósimin yntalandyrý maqsatynda ózara tıimdi yntymaqtastyq qurý perspektıvalary talqylandy.
Memleket basshysy Islam damý banki Qazaqstannyń ornyqty damýǵa umtylysy jolynda senimdi seriktes bolyp kele jatqanyna nazar aýdardy.
Bankpen yntymaqtasa jumys istegen jyldar ishinde jalpy ınvestısııa kólemi 2 mıllıard dollarǵa jýyqtaıtyn 70-ten astam birlesken joba júzege asyryldy.
Qasym-Jomart Toqaev atalǵan bankpen aradaǵy Strategııalyq negizgi kelisimniń jańarýyn quptady. Onyń aıasynda birqatar mańyzdy ınfraqurylymdyq jáne ındýstrııalyq jobany júzege asyrý úshin qosymsha qarjylaı qoldaý sharttary qarastyrylǵan.
О́z kezeginde Muhammed Sýleıman ál-Djasser birlesken jobalardyń júzege asyrylýyn oń baǵalap, Qazaqstan ekonomıkasyn ártaraptandyrý isine odan ári atsalysýǵa daıyn ekenin jetkizdi.
