Kezdesýge Qazaqstan halqy Assambleıasy Tóraǵasynyń orynbasary – Qazaqstan Prezıdent Ákimshiligi QHA Hatshylyǵynyń meńgerýshisi Marat Ázilhanov, Parlament depýtattary, Mádenıet jáne aqparat mınıstrligi Etnosaralyq qatynastardy damytý komıtetiniń tóraǵasy Ǵalym Shoıkın, Qazaqstan halqy Assambleıasynyń músheleri, etnomádenı birlestikteriniń, QHA qoǵamdyq qurylymdary men «Assambleıa jastary» RQB ókilderi qatysty.
Is-shara barysynda jıynǵa qatysýshylar jalpyulttyq birlikti nyǵaıtýǵa, azamattardyń quqyqtyq mádenıetiniń deńgeıin arttyrýǵa, saıası jáne qoǵamdyq ómirdi jańartýǵa, jastardy patrıotızmge tárbıeleýge, Qazaqstan tarıhy men mádenıetin qurmetteýge baǵyttalǵan jobalardy iske asyrý máseleleri tóńireginde pikir almasty.
Marat Ázilhanov óz sózinde QHA múshelerine Assambleıanyń «Júrekten-júrekke» jáne «Mektepke jol» aýqymdy qaıyrymdylyq aksııalaryna belsendi qatysqandary úshin alǵysyn bildirip, Prezıdent Joldaýynda aıtylǵan tapsyrmalardy iske asyrýdaǵy Assambleıanyń qyzmeti men rólin atap ótti.
– Dál qazir aldymyzda turǵan basty mindet – Joldaýdyń árbir tarmaǵyn júzege asyrý úshin naqty qadamdardy oılastyrý jáne soǵan sáıkes kúsh biriktirip, áreket etý. Aldymen negizgi taqyrypqa kóshpes buryn barlyqtaryńyzǵa «Júrekten-júrekke» jáne «Mektepke jol» aýqymdy qaıyrymdylyq aksııalaryna bir kisideı atsalysyp, úlken úles qosqandaryńyz úshin alǵys aıtqym keledi. Sońǵy onkúndikte bizdiń jumys erekshe qarqyn alyp, 260 mln teńgege shamamen 6 500-deı balany mektepke daıyndadyq. Bul qoǵamda atap ótýge turarlyq bereke men birliktiń úlken jetistigi.
Jalpy, elimizdiń damý jolyndaǵy basty saıası qujatqa balanatyn Joldaýda memlekettik saıasattyń barlyq salasy meılinshe qamtylǵan, ásirese ekonomıkalyq, áleýmettik máselelerge basymdyq berilip otyr. Dese de, Prezıdent aıtqan barlyq bastama, usynystar men tapsyrmalar Ádiletti Qazaqstan qurý jolyndaǵy ortaq múddege kelip toǵysady.
Sonymen qatar Prezıdent aıtqan negizgi mindetterdiń biri – elimizdi jaıly jáne qaýipsiz ómir súrý aımaǵyna aınaldyrý Assambleıanyń da árbir múshesiniń mindeti retinde qarastyrylýy qajet ekendigi aıqyndaldy. Osy rette Qasym-Jomart Kemeluly óz Joldaýynda bizdiń qoǵamda zań men tártip ústemdik qurýǵa tıis ekenin erekshe atap ótti. «Bul – búkil qoǵamnyń jáne ár adamnyń qaýipsizdigin qamtamasyz etýge qatysty eń basty talap. Biz sonda ǵana ádiletti, taza, qaýipsiz Qazaqstandy qura alamyz», dedi Prezıdent. Iаǵnı qoǵamda zań men tártip qaǵıdatyn tereńinen bekitýge erekshe nazar aýdarýdyń mańyzy zor, dedi M.Ázilhanov.
Odan keıin sóz alǵan Mádenıet jáne aqparat mınıstrligi Etnosaralyq qatynastardy damytý komıtetiniń tóraǵasy Ǵalym Shoıkın Memleket basshysy Qasym-Jomart Toqaevtyń Qazaqstan halqyna kezekti Joldaýy bizdiń memleket pen qoǵamdy tereń transformasııalaýdyń jalǵasy, aldaǵy jyldardaǵy damýyn aıqyndaıtyn baǵdary ekenine toqtaldy.
– Memleket basshysy elimizdiń turaqty damýyn qamtamasyz etý úshin birqatar mańyzdy baǵyttarǵa nazar aýdardy. Olardyń qatarynda qoǵamda zań men tártip ıdeologııasyn nyǵaıtý máseleleri de bar. Prezıdent etnosaralyq qatynastar salasyn odan ári damytýǵa aıryqsha nazar aýdaratyn, ony udaıy jetildirip otyrýdy qajet etetin sala ekenine taǵy da erekshe toqtaldy. Bul rette, Mádenıet jáne aqparat mınıstrligi qoǵamdyq kelisimdi nyǵaıtý men jalpyulttyq biregeılikti qalyptastyrý, osy baǵytta halyq arasynda aqparattyq-túsindirý jumystaryn jandandyrý, memlekettik organdar jumysyna jańashyl tásilderdi engizý, etnomádenı birlestikter áleýetin tıimdi paıdalaný turǵysynda jumysty qolǵa alǵan, – dedi Ǵ.Shoıkın.
Májilis depýtaty Gennadıı Shıpovskıh bıylǵy Joldaýdyń basty erekshelikterine toqtaldy.
– Birinshi kezekte meniń ózime jaqyn jumysshy mamandyqtardy kótermeleý, olardyń mártebesin arttyryp, jaǵdaı jasaý baǵytyndaǵy Prezıdent tapsyrmasy kóńilime qondy. Búginde rasynda el aýmaǵynda kadr tapshylyǵy anyq seziledi, ıaǵnı tehnıkalyq mamandyqtar qat bolyp tur. Sondyqtan jumysshy mamandyqtardy barynsha dáriptep, olardyń tanymaldylyǵyn arttyrý turǵysyndaǵy Memleket basshysynyń tapsyrmasy óte tıimdi sheshim boldy, – dedi Májilis depýtaty.
Basqosýda sóz sóılep, azamattyq oılaryn jetkizgen ózge de QHA músheleri Ádiletti Qazaqstan qurý jolyndaǵy baıypty bastamalar men naqty usynystar tóńiregine uıysyp, otandastarymyzdy ortaq iste aıanyp qalmaýǵa úndedi.
