Investısııalyq bastamalardyń ıgiligi

Premer-mınıstr Oljas Bektenov Eýrazııalyq damý bankiniń basqarma tóraǵasy Nıkolaı Podgýzovpen kezdesý ótkizdi. Investısııalyq ózara is-qımyldy keńeıtý jáne EADB-nyń ınfraqu­rylym­dyq jobalardy iske asyrýǵa qatysý máseleleri qaraldy.

Oljas Bektenov pen Nıkolaı Podgýzov Eýrazııa­lyq damý bankiniń elimizdegi joǵary ınvestısııalyq belsendiligin atap ótti. Jyl basynan beri EADB 900 mln dollardan asatyn somaǵa ekonomıkanyń túrli sektoryndaǵy jobalardy qarjylandyrdy. Sonymen qatar 2023 jyly elimizge 1 mlrd dollar qarajat salyndy. Osy jyldyń qorytyndysy boıynsha ınvestısııa kólemi edáýir artyp, 1,4–1,6 mlrd dollarǵa jetedi dep kútilýde.

Elimizde iske asyrylyp jatqan EADB negizgi jobalarynyń tizbe­sinde – kómir óndirýdiń sıkldik-aǵyndyq tehnologııa­syn engizý, kún elektr stansalaryn salý, «Astrahan – Mańǵyshlaq» magıstraldy sý qubyryn rekonstrýksııalaý jáne keńeıtý, avtojoldardy salý jáne rekonstrýksııalaý jobalary bar.

Oljas Bektenov Eýrazııa­lyq damý banki mańyzdy serik­testerdiń jáne ınvestı­sııa­lardyń senimdi kózderiniń biri bolyp sanalatynyn atap ótti.

«Memleket basshysy halyqqa Joldaýynda birinshi kezektegi ınfraqurylymdyq máselelerdi sheshý mindetterin atap ótti. Qazir Úkimet ınjenerlik, kólik, áleýmettik jáne sıfrlyq ınfra­qurylymdy jańǵyrtý jáne salý boıynsha aýqymdy jumys júrgizip jatyr. Biz Bank­pen ózara tıimdi sharttarmen ynty­maqtastyqty keńeıtýge daıynbyz jáne el ekonomıkasy úshin mańyzdy jobalardy birlesip iske asyrýǵa múddelimiz», dep atap ótti O.Bektenov.

О́z kezeginde EADB tóraǵa­sy Nıkolaı Podgýzov banktiń iri ınvestısııalyq jobalardy júzege asyrýdaǵy ózara is-qımyldy nyǵaıtýǵa daıyn ekenin málimdedi.

Sondaı-aq taraptar bank­tiń aǵymdaǵy ınvestı­sııa­lyq port­feli, kapıtal qury­lymyn árta­rap­tandyrý, kor­po­ratıvtik bas­qarý sapasyn arttyrý másele­lerin talqylady.

Aıta ketý kerek, Eýrazııa­lyq damý banki – 2006 jy­ly qurylǵan halyq­­aralyq qarjy uıymy. Bank­­tiń jarǵylyq kapıtaly 7 mlrd dollardy quraıdy. Aǵym­daǵy ın­ves­tısııalyq portfeldiń sala­lyq qurylymy: energetıka – 21,7%, kólik – 18,1%, taý-ken ónerkásibi – 27,5%, qarjy sektory – 9,2%, ınfraqurylym – 5,8%, mashına jasaý – 2,8%, agroónerkásip kesheni – 3,3%, hımııa ónerkásibi – 7,3%, qurylys – 1,1%% , basqa salalar 3,2%-dy quraıdy.