Sýret: ortcom.kz
Serbııa – elimizdiń Ońtústik-Shyǵys Eýropadaǵy mańyzdy saýda seriktesi.
«Bizde saýda yntymaqtastyǵynyń úlken áleýeti bar. Serbııaǵa $500 mln-nan astam somaǵa shıkizattyq emes taýarlardyń 90-nan astam túrin jetkizýdi usynýǵa daıynbyz. Bul – metallýrgııa, munaı-hımııa, tamaq, hımııa, mashına jasaý salalarynyń ónimderi, kólik quraldary, qurylys taýarlary. Oǵan barlyq óndiristik jáne kóliktik-logıstıkalyq múmkindikter bar», dedi Serik Jumanǵarın otyrysqa qatysýshylarǵa.
О́z tarapynan Serbııa Premer-mınıstriniń orynbasary – Ishki ister mınıstri Ivısa Dachıch elder arasyndaǵy saýda-ekonomıkalyq áriptestikti tereńdetýge múddelilik bildirip, úkimetaralyq komıssııanyń III otyrysy jańa birlesken jobalardy qurýǵa eleýli qadam bolatynyn atap ótti.
Aýyl sharýashylyǵy vıse-mınıstri Amanǵalı Berdalın Qazaqstan Serbııaǵa burshaq, pııaz, qaraqumyq, jarma jáne bıdaı eksportyn ulǵaıtýǵa daıyn ekenin atap ótti. Mal sharýashylyǵy salasynda balyq jáne balyq ónimderin, bal, qus eti, jylqy eti, sıyr eti jáne sút ónimderin jetkizý múmkindikterinen bólek, elimiz shoshqa etin jetkizýdi qarastyrýy múmkin. Sonymen qatar jańa sút-taýar fermalarynyń qurylysyn eskere otyryp, elimiz Serbııadan asyl tuqymdy sıyrlar men asyl tuqymdy materıaldardy ımporttaýǵa múddeli.
Otyrys kún tártibindegi mańyzdy másele kólik salasy boldy. Qazaqstan Premer-mınıstriniń orynbasary atap ótkendeı, Qazaqstan men Serbııa arasyndaǵy qoldanystaǵy quqyqtyq baza elderimiz arasynda aptasyna 14 jolaýshy reısin oryndaýǵa múmkindik beredi.
«Qazaqstan áýejaılarynda «ashyq aspan» rejimi jumys isteıdi. Bizdiń elderimiz arasynda tikeleı reısterdiń ashylýy Serbııanyń Eýropaǵa kólik haby bolýyna múmkindik beredi. Sondaı-aq biz Qazaqstan men Qytaıdan Serbııaǵa jáne odan ári Eýropa elderine júk tasymalyn tranzıtti damytýǵa múddelimiz. Osy maqsatta Transkaspıı halyqaralyq kólik marshrýtynyń múmkindikterin qarastyrýdy usynamyz», dedi Serik Jumanǵarın.
Serbııada EXPO-2027 kórmesin ótkizý qarsańynda úkimetaralyq komıssııanyń otyrysynda Halyqaralyq kórmeler bıýrosy tarıhtaǵy eń tabysty mamandandyrylǵan kórme retinde tanylǵan EXPO-2017 kórmesin ótkizýdiń qazaqstandyq tájirıbesi tanystyryldy. Sonymen qatar taraptar jumyspen qamtý, ǵylym, bilim, týrızm, densaýlyq saqtaý, mádenıet jáne sport salasyndaǵy yntymaqtastyq múmkindikterin talqylady.
2023 jyldyń qorytyndysy boıynsha elimizdiń Serbııamen taýar aınalymy $91,2 mln qurady, bul ótken jyldyń sáıkes kezeńimen salystyrǵanda 23,3%-ǵa joǵary ($74,8 mln). Eksport 38,7%-ǵa ósti. Jalpy, taýar aınalymynda Qazaqstan men Serbııa arasyndaǵy aýyl sharýashylyǵy ónimi saýdasynyń úlesi shamamen 22,7 mln qurady. Importtyń negizgi kólemi – júgeri, kúnbaǵys tuqymdary, tiri ósimdikter. Eksporttyń negizgi kólemi – qaraqumyq, tary jáne basqa da dándi daqyldar.
