Jol toraby iske qosyldy

Uzyndyǵy 6 shaqyrym bolatyn ýchaske «Or­talyq-Ońtústik» (As­tana – Qaraǵandy – Balqash-Almaty) kólik dáliziniń negizgi quramdas bóligi jáne elimizdiń kólik ınfraqurylymynyń damýynda mańyzdy ról at­qa­rady.

Qaıta jańartý barysynda jer tósemin ornalastyrý, temirjol toraby arqyly ótetin estakada, ótpejol, eki kólik qı­ylysy, sýótkizgish qubyrlar sekildi jasandy qurylystary salynyp, keshendi ju­mystar atqaryldy. Búkil ýchaske boıynsha joldyń ús­tińgi qabatyna qıyrshyq tasty-mastıkalyq asfaltbe­ton tó­selgen. Sondaı-aq jaryq­tandyrý jáne sý­ótkizgish júıesi ornatylyp, jol belgileri, tosqaýyldar men tań­balaý syndy árleý ju­mys­y júrgizildi. Joldyń qol­danystaǵy ýchaskelerinde bekitý jáne ortasha jóndeý ju­mystary júzege asty.

Jyldyń basynan beri jol-qurylys materıaldaryn da­ıyndaý, onyń ishinde qıyr­shyq tas, qum, temirbeton konstrýksııalary, tosqaýyldar men qorshaýlar, jol belgileri men jaryqtandyrý elementteri jasaldy. Qarqyndy is-qımyldyń nátıjesinde qurylys belgi­lengen merzimde aıaqtalyp, tran­zıttik qozǵalystyń ýaqy­ty­ly ashylýyna múmkindik berdi.

Jobany júzege asyrý úshin asfaltbeton jáne beton aralastyrý zaýyty, 81 birlik teh­nıka men 256 jumysshy jumyl­dyryldy.

«Bıyl 3,1 myń sha­qyrym respýblıkalyq avtojoldarda qaıta jańartý jáne qurylys jumysy júrgizilip jatyr, onyń ishinde 1,5 myń sha­qy­rymda jumys jyldyń sońyna deıin aıaqtalady. Pre­zıdent Qasym-Jomart Toqaev óz sózinde: «Joǵary sapaly joldar jalpyhalyqtyq min­detke aınalýy tıis. Sapaly jol­­dar bolmasa, elimizde esh­qan­daı ilgerileýshilik týraly sóz bolýy múmkin emes», degen edi. Osyǵan sáıkes, Memleket basshysynyń tapsyrmasyn oryn­daý maqsatynda bizdiń tarapymyzdan aýqymdy ju­mys júrgizilýde. Bul aınalma jol­dyń uzyndyǵy 6 sha­qyrym, quny 25,6 mlrd teń­ge, shamamen tórt jyl ýa­qyt kóleminde salyndy. Osy jo­banyń búkil oblys úshin mańyzy zor, sebebi ol kó­lik aǵynyn aıtarlyqtaı je­ńil­detedi, jaqyn mańdaǵy eldi meken turǵyndarynyń jol júrý ýaqytyn qysqartady, sonymen qatar bizdiń el arqyly ótetin tranzıttiń artýyna da septigin tıgizedi, qozǵalys qaýipsizdiginiń deńgeıin arttyrady. Bul jol tek osy aýdannyń ǵana emes, jalpy oblystyń damýyna da oń áserin tıgizedi», dedi Almaty oblysynyń ákimi Marat Sultanǵazıev.

Almaty oblysy