Ult ustazy ulyqtaldy

Tilder mere­kesine oraı Ǵy­lym jáne joǵary bilim mınıstrligi Til saıasaty ko­mıteti, halyqaralyq «Qazaq tili» qoǵamy jáne Shaısultan Shaıahmetov atyndaǵy «Til-Qazyna» ulttyq ǵyly­mı-praktıkalyq orta­lyǵy Alash kósemi, asa kórnekti ǵalym, ult til biliminiń negizin qalaýshy Ahmet Baı­tursynulynyń týǵan kúni aıasynda basqosý ótkizdi.

Merekelik is-sharada halyqaralyq «Qazaq tili» qoǵamy ázirlegen qazaq, orys jáne aǵylshyn tilderindegi «Abaı» kitabynyń tusaýy kesildi. So­nymen qatar Ahmet Baıtursynulynyń murasyna arnalǵan «baitursynuly.kz» saıty jınalǵan qaýymǵa tanys­tyryldy. Merekelik basqosýda ult ustazynyń, jalpy Alash qaırat­ker­leriniń shyǵar­ma­shylyq murasy jáne memlekettik tildiń ózekti qyry, ǵylym tili, jańa ınnovasııalar t.b. máseleler talqylandy.

Jıynda qoǵam qaıratkeri Orazkúl Asanǵazy, Parlament depýtattary Nurtóre Júsip, Qazybek Isa, Bolat Kerimbek, «Qazaq tili» qoǵamynyń prezıdenti Raýan Kenjehanuly, UǴA aka­demıkteri Dıhan Qam­zabek­uly, Sherýbaı Qurmanbaıuly, Ja­zýshylar odaǵy Astana fılıa­lynyń dırektory Dáýletkereı Káp­uly oılaryn ortaǵa salyp, mańyzdy pikir­ler aıtty.

Basqosýǵa elimizdiń joǵary oqý oryn­dary oqytýshylary, Respýblıkalyq termınologııa komıs­sııasynyń músheleri, «Qyr balasy» qoǵamdyq qory, Bas prokýratýra, «Qazaqtelekom» AQ, «Qazposhta» AQ, «KEGOK» AQ, «Qazaqstan temir joly» AQ ókilderi, mektep muǵalimderi qatysty.