Kollaj: Aqorda baspasóz qyzmeti
Qazaqstan Prezıdenti strategııalyq seriktestik rýhynda damyp kele jatqan ekijaqty saýda-ekonomıkalyq jáne mádenı-gýmanıtarlyq yntymaqtastyqtyń qarqynyn joǵary baǵalady. Osy oraıda qyrkúıek aıynyń sońynda ótetin Ázerbaıjannyń Qazaqstandaǵy mádenıet kúnderi halyqtar arasyndaǵy birlikti bekemdeýde mańyzdy ról atqaratynyna toqtaldy.
Budan bólek, Qasym-Jomart Toqaev Ilham Álıevti Ázerbaıjandaǵy Parlament saılaýynyń tabysty ótýimen quttyqtap, saıası naýqandy Qazaqstannyń ókilderi de baqylaǵanyn atap ótti.
Memleket basshysy Ázerbaıjan men Armenııanyń beıbit kelisimge kelýi úshin Qazaqstan tarapynyń aldaǵy ýaqytta da Almaty alańyn kelissózderge usynýǵa daıyn ekenin rastady.
О́z kezeginde Ilham Álıev Bakýdiń Astanamen ekijaqty qarym-qatynastyń barlyq baǵyty boıynsha yntymaqtastyqty odan ári nyǵaıtý úshin kúsh-jiger jumsaýǵa nıetti ekenin jetkizdi.
Áńgimelesý dostyq ráýishte ótti.
