Foto: Vıdeodan alynǵan kadr
Jelide taraǵan vıdeoǵa zer salsaq, mekeme qyzmetkeri balalar jatqan bólmege kirip, sábıdi edenge laqtyrǵanyn kórýge bolady. Keıin sol jerde otyrǵan balany qolynan ustap turǵyzbaq bolady, biraq balanyń oǵan kónbeıtinin kórip, ony aıaǵynan ustap, súırep áketken. Sol sátte olardyń janynda taǵy bir bala bolǵan. Tárbıeshi ony betinen uryp, tósekke qaraı ıterip jibergen.
Qalalyq Polısııa departamenti oqıǵa boıynsha qylmystyq is qozǵalǵanyn habarlady.
Sonymen qatar qalalyq Bilim basqarmasy vıdeodaǵy tárbıeshi jumystan shyǵarylǵanyn habarlady.
«Qazirgi ýaqytta sot-medısınalyq saraptama taǵaıyndaldy. Osy fakt boıynsha tergeý júrgizilip jatyr. Oqıǵa Oqý-aǵartý mınıstrligine qarasty Balalardyń quqyqtaryn qorǵaý komıtetiniń baqylaýyna alyndy», delingen habarlamada.
