Bir qyzyǵy, «TaspaLab» stýdııasynyń tabaldyryǵyn attaǵan adam ýaqyt mashınasyna engendeı áser alady. О́ıtkeni munda eń aldymen sýretke túsýge arnalǵan túrli taqyryptyq buryshtar kóz tartady. Mysaly, qoǵaly kól jaǵasyndaǵy tabıǵat múıisi me, dástúrli jasaýly qazaqtyń kıiz úıi me, balalarǵa arnalǵan ertegi burysh, jastarǵa arnalǵan aspaly átkenshek pe – bári bar. Al myna bólme kúni keshegi keńestik úlgidegi úıdiń kórinisi sııaqty: aq-qara teledıdar, qabyrǵada ilingen fotoportretter, aspaly saǵat – bireýge balalyq shaǵyna saǵynyshyn oıatsa, endi bir adamǵa standartty sup-sur keńes tirligin eske túsirip, túrli oı salyp tur. Jalpy, ǵımarattyń bas-aıaǵynda osyndaı 13 túrli fotozona bar eken.
Ideıa avtorlary «Jarqyn sátińdi taspala!» degen sózdi jańa stýdııanyń urany etip alypty. Bul jerde jelige arnalǵan podkast nemese rıls túsirýge laıyq alańdar da jasaqtalǵan.
– Osyndaı stýdııa ashý týraly ıdeıany alǵash aıtqan jáne dızaın jaǵynan kómektesken – bala kezden beri birge kele jatqan qurbym Araı Maratqyzyna kóp alǵys aıtamyn. Sońǵy úsh aı ishinde Aqtóbeden Oralǵa jeti márte keldi. Shynymdy aıtsam, osy ǵımarattyń qurylys jumysy, jóndeýi tez aıaqtalǵanymen, túrli taqyrypqa sándeý, árleý kóp ýaqyt aldy. Qazirgi qoǵam suranysyn barynsha tolyq qamtýǵa tyrystyq, – deıdi Gúlnaz Álimgereı.
Jańa stýdııada dybys jazý stýdııasy, jastarǵa arnalǵan oıyn bólmesi, bı stýdııasy, kásibı mamandardyń túrli taqyrypqa sheberlik sabaǵyn ótkizetin zamanaýı aýdıtorııa da bar eken. Eń ǵajaby – dál osy aýdıtorııaǵa aqyn, aǵartýshy Sháńgereı Bókeevtiń esimi berilgen.
– Qazaq topyraǵyndaǵy alǵashqy fotony 1841 jyly Ordada Jáńgir mektebi ashylǵan kezde hannyń arnaıy shaqyrýymen kelgen fotograf túsirgen eken. Sodan arada 60 jyl ótkende osy Jáńgir hannyń nemeresi Sháńgereı Bókeev ózi fotoónerge bet qoıady. О́ıtkeni 1901 jyly Bókeı ordasynyń qurylǵanyna 100 jyl tolýyna oraı patsha Sháńgereıge fotoapparat syılaǵan edi. Búginde qazaqtan shyqqan tuńǵysh fotograf – Sháńgereı Bókeev deýimizdiń mánisi osy, – deıdi oraldyq ólketanýshy Aıbolat Qurymbaev.
Telejýrnalıstıka salasynda 20 jyldan asa tájirıbesi bar Gúlnaz Álimgereı osy jerde jastardy tilshiliktiń qyr-syryna baýlıtyn jeke medıaortalyǵyn da ashatyn oıy bar ekenin aıtady. Iаǵnı munda kelýshi jastar akterlik sheberlik, kamera aldynda ózin-ózi ustaý, t.b. kásibı maman keńesin almaq.
Batys Qazaqstan oblysy
