«Zaman jańa oıyn erejelerin talap etedi. Tutynýshylar quqyǵyn qorǵaý týraly qazirgi zańy ýaqyt talabyna saı kelmeıdi. Jańa zań jobasy – formaldy ózgerister jıyntyǵy emes, ádil jáne ashyq tutynýshylar ortasyn qalyptastyrýǵa baǵyttalǵan keshendi sharalar júıesi», deıdi mınıstr.
Jańa zań aıasynda mynadaı ózgerister bolýy múmkin:
- Bıýrokratııanyń azaıýy: О́z quqyǵyńyzdy qorǵaý prosedýrasy qarapaıym jáne jyldam bolady. Kóptegen ınstansııanyń ornyna tutynýshy sotqa deıingi satyda jáne sotta eki ınstansııaǵa ǵana júgine alady.
- Tıimdi qorǵaý: Tutynýshylar quqyǵyn qorǵaý jónindegi ombýdsmen ınstıtýty engizilip, qoǵamdyq uıymdar azamattardyń múddesin qorǵaý úshin keńirek ókilettilikke ıe bolady.
- Bıznestiń jaýapkershiligi: Tutynýshylardyń quqyǵyn buzǵan kompanııalar qarjylyq sanksııalarǵa deıin aýyr jaýapkershilikke tartylady.
- Onlaın satyp alý kezinde qorǵaý kúsheıtildi: Jańa normalar tutynýshylardy elektrondyq saýdadaǵy aldanyp qalýdan qorǵaıdy.
Sonymen qatar zań jobasynda medısınalyq buıymdar men uıaly baılanys abonenttik qurylǵylaryn qaıtarýǵa bolmaıtyn taýarlar tiziminen shyǵarý, áýe bıletin satyp alý jáne týrıstik qyzmet kórsetý týraly sharttar boıynsha 100% qaıtarmaýdy alyp tastaý usynylady.
2021 jyly Tutynýshylar quqyqtaryn qorǵaý komıtetine tutynýshylardan 25 myń, 2022 jyly 30 myń, al 2023 jyly 51 myń shaǵym kelip túsken.
