Serbııa tájirıbe almasýǵa yqylasty

Otyrys barysynda serb tarapy 2027 jylǵy 15 mamyr men 15 tamyz aralyǵynda Serbııa astanasynda ótetin Expo 2027 Belgrade halyqaralyq mamandandyrylǵan kórmesin ótkizý týraly aıtty.

О́z kezeginde «QazExpo­Congress» UK» AQ bas­qar­ma tóraǵasy Dııas Ázbergenov Expo 2017 Astana kórmesi týraly aıtyp, qatysýshylardy kórme kesheniniń aǵymdaǵy mártebesimen tanystyrdy.

«EXPO kórme kesheniniń aýmaǵy – bul ulttyq jáne halyq­aralyq uıymdardyń tabys­ty qyzmeti úshin biregeı ekojúıe qalyptastyrylǵan iskerlik orta­lyq. Búgingi tańda keshen 100% tolyq. Uıymdardyń sany 150-den asady, rezıdentterdiń jalpy sany 15 myń adamdy quraıdy», dep atap ótti D. Ázbergenov.

EXPO alańynyń iskerlik bóligi jalpy aýdany 530 myń m²-den asatyn 15 ǵımarattan turady. Ǵımarattarda «Astana» halyqaralyq qarjy ortalyǵy, Astana Hub IT-startaptar halyqaralyq tehnoparki jáne Astana IT University sııaqty uıymdar ornalasqan. Sondaı-aq Sıfrlyq úkimet ofısi, Qarjylyq monıtorıng agenttigi, Strategııalyq josparlaý jáne reformalar agenttigi jumys isteıdi. Budan bólek aýmaqta Kongress ortalyǵy, EXPO halyq­aralyq kórme ortalyǵy, Bolashaq energııasy murajaıy sııaqty mańyzdy nysandar da bar.

D.Ázbergenov sózin qorytyn­dylaı kele, «QazExpoCongress» ulttyq kompanııasy kórmelerdi ótkizý jáne oǵan qatysý tájirı­besimen almasý, sondaı-aq ony kórmeden keıingi paıdalanýǵa qatysty yntymaqtastyqqa daıyn ekenin atap ótti.

Sonymen qatar kezdesý aıasynda taraptar Serbııa men Qazaq­standa ótkiziletin túrli kórmeler máselesin tal­qylady, olar eki eldiń kompa­nııalaryna ózderin serb jáne qazaqstandyq naryqtarda kór­setýge septigin tıgizetinin atap ótti. Mundaı is-sharalar eki eldiń ekonomıkasyn álem­dik ekonomıkalyq jáne saý­da aǵyndaryna neǵurlym tyǵyz baılanystyrý úshin kom­panııa­lardyń eksporttyq jáne ın­ves­tısııalyq kórset­kishterin kúsheıtýge múmkindik beredi.

«QazExpo­Congress» UK» AQ Marketıng jáne PR departamenti