Foto:ratel.kz
Aıta keteıik, 2024 jyly bıýdjet esebinen kolledjderge 142,5 myń stýdent qabyldanǵan. Bul 2023 jylmen salystyrǵanda 1,5 esege kóp ekeni habarlandy.
Úkimet basshysy ýnıversıtetter men kolledjderdiń bilim berý baǵdarlamalary arasyndaǵy sabaqtastyqty qamtamasyz etý kerek ekenin aıtty.
«Halyqaralyq salalyq standarttar men sertıfıkattaýdy belsendi túrde engizý qajet. Ol úshin Oqý-aǵartý mınıstrligi jumystyń sapasyna táýelsiz baǵalaý júrgizýi kerek. Sondaı-aq tehnologııalyq kóshbasshylardy aıqyndaı otyryp, kolledjderdi kásibı beıimdeý men saralaýdy aıaqtaýy qajet», dedi Oljas Bektenov.
Sonymen qatar sońǵy jyldary kásiptik tehnıkalyq bilim berý júıesin damytýda birqatar progressıvti qadamdar jasalǵan, atap aıtqanda, kolledjder jumysshy mamandyqtary boıynsha tegin oqytyp, stýdentteriniń stıpendııalary 50%-ǵa ósken. Sondaı-aq kadrlar daıarlaýǵa arnalǵan memlekettik tapsyrys kólemi aıtarlyqtaı ulǵaıdy. Máselen, buǵan deıin kolledjderge bıýdjet esebinen jyl saıyn 93 myńǵa jýyq stýdent qabyldanyp kelse, 2024 jyly olardyń sany 142,5 myńǵa deıin jetken.
