Foto: Úkimettiń baspasóz qyzmeti
Qujatty Premer-mınıstrdiń orynbasary – ulttyq ekonomıka mınıstri Nurlan Baıbazarov usyndy. Jospar ekonomıkanyń ornyqty ósýin qamtamasyz etýge jáne azamattardyń áleýmettik jaǵdaıyn jaqsartýǵa baǵyttalǵan 76 is-sharadan turady.
Memleket basshysynyń tapsyrmalaryn oryndaý maqsatynda bilim berý, densaýlyq saqtaý jáne sporttyń qoljetimdiligi men sapasyn arttyrý, onyń ishinde qarjylandyrý reformasy máseleleri jónindegi sharalar kózdelgen. Atalǵan maqsattarda MJÁ tetigin, «áleýmettik ámııan» quralyn paıdalaný, bilim berý granttaryn saralaý jáne basqa da tetikterdi qoldaný qarastyrylǵan. «Aqsha balanyń sońynan júredi» qaǵıdaty boıynsha memlekettik tapsyrys sheńberinde mektepke deıingi tárbıe men oqytýdy qarjylandyrýdyń saralanǵan tásili modeline erekshe nazar aýdaryldy.
Kelesi jyly jumysshy mamandyqtary jylyn ótkizý boıynsha jekelegen is-sharalar kózdelgen. Sondaı-aq ónerkásip salasynda otandyq shıkizat pen komponentterdi barynsha paıdalaný, júıe quraýshy kásiporyndardyń aınalasynda ilespe óndirister qurý jáne basqalardy eskere otyryp, iri jobalar júzege asyrylady. AО́K jelisi jáne «Aýyl amanaty» jobasyn iske asyrý boıynsha jekelegen sharalar qabyldanatyn bolady.
Sonymen qatar josparǵa energetıka jáne kommýnaldyq sharýashylyqtaǵy ınfraqurylymdyq máselelerdi sheshý, temirjol júk tasymalynyń retteletin tarıfterin aldaǵy 3 jylda rentabeldilik deńgeıine deıin bekitý, sý qaýipsizdigin qamtamasyz etý, JI engizý jáne Joldaýdyń basqa da baǵyttary qamtylǵan.
Premer-mınıstr Oljas Bektenov usynylǵan Jalpyulttyq is-sharalar josparynyń jobasy Memleket basshysy qoıǵan mindetterdi sapaly ári jedel sheshýge baǵyttalǵanyn basa aıtty.
«Basty mindet – Jospardaǵy is-sharalardy tıimdi jáne merziminde oryndaý. Úkimet pen ákimdikter ekonomıkanyń ornyqty ósýin qamtamasyz etý jáne azamattarymyzdyń áleýmettik jaǵdaıyn jaqsartý baǵytynda belsendi sharalar qabyldaıtyn bolady. Josparda kórsetilgen zań jobalaryn ýaqtyly ázirleý qajet. Oǵan sarapshylardy tarta otyryp, tereń taldaý jáne talqylaý júrgizý kerek», dep atap ótti Oljas Bektenov.
Úkimet basshysy qarjylandyrý máselelerin jete pysyqtaýdy tapsyrdy. Artyq shyǵyndardan bas tartyp, bıýdjet qarajatyn birinshi kezektegi jáne strategııalyq maqsattarǵa ǵana baǵyttaý kerek.
Aıta keterligi, máseleni qaraý qorytyndysy boıynsha daýys berilip, nátıjesinde Jalpyulttyq jospar jobasy biraýyzdan qoldaý tapty. Ulttyq ekonomıka mınıstrligine Úkimet Apparatymen birlesip, Memleket basshysynyń tıisti Jarlyǵynyń jobasyn Prezıdent Ákimshiligine engizý tapsyryldy.
Premer-mınıstrdiń orynbasarlaryna jospar boıynsha bekitilgen tarmaqtardyń iske asyrylýyn baqylaý jáne úılestirý mindetteldi.
