Bul jarysta Kolýmbııa, Fransııa, Germanııa, AQSh, Qytaı, Latvııa, Afrıka jáne Arab elderi syndy 41 memleketten kelgen 114 qatysýshy sheberlikterin synǵa saldy.
Toǵyzqumalaq saıysyna Qazaqstannan 4 sportshy qatysty. Intellektýaldy jarys nátıjesi boıynsha ulttyq quramanyń qorjynyna 4 medal tústi.
Beksultan Bostandyqov erler arasynda chempıon atansa, Ersultan Áýelbaı úshinshi oryndy ıelendi. Al áıelder arasynda Móldir Serikqyzy ozyq shyǵyp, Ańsaǵan Qazanǵap kúmis júldege qol jetkizdi.
Jalpy komandalyq esepte Qazaqstan quramasy birinshi oryn aldy. Ekinshi oryndy – Qyrǵyzstan, úshinshi oryndy Reseı jáne Mońǵolııa ıelendi.
Eske sala keteıik, Dúnıejúzilik kóshpendiler oıyndary eki jyl saıyn uıymdastyrylady. Bıylǵy oıyndardyń urany - "Uly daladaǵy kezdesý". Álemniń 89 memleketinen kelgen eki myńnan asa sportshy 21 sport túrinen synǵa túsip jatyr.
