Sýretti túsirgen – Erlan OMAR, «EQ»
Sonymen jarys jolyna Ispanııa, Italııa, Sıngapýr, Slovakııa, Qyrǵyzstan, Indonezııa, Mońǵolııa, Aýstralııa, Ońtústik Koreıa, О́zbekstan, Majarstan, Fransııa, Rýmynııa, Reseı, Túrkııa jáne Qazaqstan quramalary shyqty. Ár komandada 3 er, 2 áıel boldy.
Qazirgi tańda dástúrli sadaq atý ónerin álemniń kóptegen elinde belsendi úırenip, ıgerip jatyr. Buryn kóshpeli bolǵan memleketter ǵana emes, «kóshpeliliktiń» ıisin de sezbegen halyqtardyń búgingi urpaqtary sadaq tartqanda aldyna jan salmaıtyn bolǵan. Biz muny osy kúngi jarys kezinde taǵy da baıqadyq.
О́ıtkeni komandalyq aıqastar óte tartysty ótti. Bir-birinen asyp túsip jatqan sadaqshylardyń atqan jebeleri múlt ketpeı, nysanany dál kózdep jatty. Osylaısha, myqtylar iriktele kelip, jartylaı fınalǵa tórt qurama sýyrylyp shyqty. Olar – Ispanııa, Reseı, Aýstralııa jáne Qazaqstan komandalary.
Jartylaı fınaldyq synda Aýstralııa men Qazaqstan quramalary Ispanııa men Reseıdi jeńip, fınalǵa joldama aldy. Odan ári 3-oryn úshin bolǵan tartysty básekede Reseıdiń baǵy janyp, kóshpeliler oıyndarynyń qola júldegeri atandy.
Dástúrli sadaq atý týrnıriniń sońǵy básekesi Qazaqstan men Aýstralııa sadaqshylary arasynda ótti. О́lispeı berispeımiz dep bilek sybana iske kirisken eki el sportshylary da bar ónerin ortaǵa salyp baqty. Degenmen sportta jeńispen qatar jeńilis te qatar júretini belgili. Jergilikti jankúıerlerdiń jappaı qoldaýy men tilegine qaramastan qazaq sadaqshylary aýstralııalyqtarǵa jol berýge májbúr boldy. Sonymen Aýstralııa – chempıon, Qazaqstan – kúmis, Reseı – qola júldeger.
Saıys aıaqtala sala biz jeńiske jetken Aýstralııa sadaqshylarynyń janyna baryp, altyn medaldarymen quttyqtap, osy jarystan alǵan áserlerin bilgen edik. «Búgingi synda chempıon bolyp, elime altyn medal syılap jatqanyma ózimdi óte baqytty sezinip turmyn, dedi Aýstralııa quramasynyń múshesi Ýbeıt Iyldyz. – Maǵan Qazaqstan da, Astana da qatty unady. Osynda júrgenime bir apta boldy. Qazy-qarta sekildi qazaq taǵamdarynyń dámin tatyp kórdim. Olardy da bir jegennen jaqsy kórip qaldym».
Altyn medal ıegeri osyǵan deıin Túrkııada ótken IV Dúnıejúzilik kóshpeliler oıyndaryna da qatysqan eken. Alaıda bıylǵy oıyndar burynǵyǵa qaraǵanda áldeqaıda keń kólemde ótip jatqanyn, uıymdastyrý deńgeıi joǵary bolǵanyn aıtady. «Eger taǵy da Qazaqstanǵa kelýge múmkindik bolsa, sizderdiń ádemi elderińizge áli de taban tireıtin bolamyn» dep sózin aıaqtady.
Eske sala ketsek, búgin – V Dúnıejúzilik kóshpeliler oıyndarynyń sońǵy kúni. Teńge ilý, báıge, qusbegilik, mangala jáne ordo sport túrlerinen saıystar ótedi. Keshki saǵat 16:00-de «Etnoaýyl» kesheninde kóshpeliler oıyndarynyń jabylý saltanaty ótedi.
