Foto: Almaty qalasy TJD
12 qyrkúıekte saǵat 23:32-de Jetisý aýdany Noǵaıbaev kóshesinde jeke turǵyn úılerdiń birinen órt shyqqan. TJD kúshteri men quraldary avtomatty túrde joǵary dárejedegi shaqyrtý boıynsha oqıǵa ornyna jóneltilgen.
«О́rt sóndirýshiler oqıǵa ornyna 4 (23:36) mınýtta jetken sátte, aǵashtan salynǵan jeke úıdiń shatyryn, sharýashylyq ǵımaratynyń jáne ýaqytsha salynǵan úı jaıdyń S=200 sharshy metrdegi otqa oranǵanyn anyqtady, sondaı- aq qurylymdardyń opyrylyp qulaýy týraly baıandady», dep habarlady Qalalyq TJD baspasóz qyzmeti.
Úıdiń qabyrǵalary men shatyr qabaty tez janǵysh materıaldardan jasalǵandyqtan, jalyn tez taralǵan. Oqıǵa ornynan 50 l. gazballon evakýasııalanǵan.
«О́rt sóndirýshiler 2 adamdy qutqaryp úlgerdi. 1994 jyly týǵan er adam jáne 1993 jyly týǵan áıel №4 qalalyq aýrýhanaǵa essiz jaǵdaıda jetkizildi. О́kinishke oraı, TJD kúshteri kelgenge deıin 2023 jyly týǵan bala qaıtys boldy», delingen habarlamada.
