Foto: Aqorda baspasóz qyzmeti
Ǵanı Beısembaev Prezıdentke ótken jyly 137 myń oqýshyǵa arnalǵan 154 jańa mektep ashylǵanyn baıandady. Bul 29 úshaýysymdy, 12 apatty mekteptiń máselesin sheshken. Jańa oqý jylynda 365 myń oqýshyǵa eseptelgen 221 bilim oshaǵyn paıdalanýǵa berý josparlanyp otyr. Mektepterdi pándik kabınettermen jabdyqtaý kórsetkishi 2 ese artyp, ınternettiń sapasy jaqsarǵan.
Oqý-aǵartý mınıstri tárbıe jumystary basym baǵyttardyń biri bolyp qala beretinin aıtty. «Adal adam – Adal eńbek – Adal tabys» jalpyulttyq qundylyqtaryna negizdelgen «Birtutas tárbıe» baǵdarlamasy qolǵa alyndy.
Memleket basshysyna orta bilim sapasyn arttyrý týraly aıtyldy. Mektep oqýlyqtary tolyqtaı sıfrlyq formatqa kóshirilgen. Qazaqstan atynan halyqaralyq olımpıadalarǵa qatysqan árbir ekinshi oqýshy júldeli oryndarǵa ıe bolyp júr. Byltyr el oqýshylary 58 altyn medal jeńip alǵan.
Prezıdentke tehnıkalyq jáne kásiptik bilim berý júıesin transformasııalaý, ınklıýzıvti jáne arnaıy oqytýdy damytý jónindegi jobalar tanystyryldy.
Kezdesý sońynda Memleket basshysy Oqý-aǵartý mınıstrine salany odan ári jetildirý jáne balalardyń qaýipsizdigin qamtamasyz etý boıynsha birqatar tapsyrma berdi.
