Sýret: ustazmartebesi.kz
Memleket basshysy atap ótken máselelerdiń biri – bilim júıesiniń zamanaýı talaptarǵa saı bolyp, oqýshylarǵa sapaly bilim berý. Bul tek qana bilim berý mekemeleri úshin emes, sondaı-aq oqýlyqtar men oqý-ádistemelik quraldaryn daıyndaıtyn baspalarǵa úlken jaýapkershilik júkteıdi. Bizdiń ujym elimizdegi bilim salasynda oqýlyqtar daıyndaıtyn jetekshi baspa retinde Prezıdenttiń bilim berý salasyndaǵy reformalaryn tolyq qoldaıdy.
«Jaıly mektep» jobasy – elimizdiń bolashaq urpaqtarynyń zamanaýı, sapaly bilim alýyna jasalǵan asa mańyzdy bastama. Baspamyz osy jobaǵa qatysý arqyly mektepterge qajetti oqýlyqtar men oqý materıaldaryn ázirlep, sapaly bilimge óz úlesimizdi qosyp jatqanymyzdy maqtan tutady. Bilim uıymdaryna oqýlyqtar daıyndaý urpaqtyń kemel bolashaǵyna ınvestısııa salý dep bilemiz.
Sonymen qatar Memleket basshysy atap ótken áleýmettik máseleler, ásirese, balalardy qorǵaý isi de basty nazarda bolýǵa tıis. Osy oraıda qoǵamdaǵy mańyzdy máselelerdi kóterip, mektepter men bilim mekemelerine balalardyń quqyqtary men qaýipsizdigin qamtamasyz etetin materıaldar daıyndaýǵa árqashan daıynbyz.
Baspa qyzmetiniń negizgi baǵyttarynyń biri – sıfrlyq bilim berý resýrstaryn damytý. Biz jasandy ıntellektini bilim berý júıesine engizýdi belsendi júzege asyryp jatyrmyz. Prezıdent Joldaýynda aıtylǵandaı, elimiz jasandy ıntellekt tehnologııalaryn damytýda aldyńǵy qatarda bolýy kerek.
Alına Dıdara SULTAN-MAHMÝDQYZY,
Arman-PV baspasynyń dırektory
