Ilkimdi jobalar iske asty

MJÁ ozyq tehnologııalar men zamanaýı emdeý ádisterin engizý úshin biregeı múmkindikter usynady, bul kúrdeli densaýlyq saqtaý salalary, ásirese onkologııa úshin óte ózekti másele. Jeke sektordy tartý – jańa medısınalyq mekemelerdi qurý, jabdyqtaý úderisin jedeldetýge, sondaı-aq mamandardyń biliktiligin arttyrýǵa kómektesip, pasıentterdi emdeý nátıjelerine tikeleı áser etedi.

Buǵan qosa, MJÁ sapaly medı­sı­nalyq kómekke qol jetkizýdegi teń­siz­dikti azaıta otyryp, óńirlerde den­saý­lyq saqtaý ınfraqurylymyn damytý­ǵa múmkindik beredi jáne ortalyq emha­nalarǵa júktemeni azaıtady.

Aıta keteıik keıingi 8 jylda MJÁ aıasynda onkologııalyq kómek kórsetý salasynda zamanaýı medısınalyq obektilerdi, onyń ishinde PET/KT-ortalyq­taryn, Almaty, Astana óńirlerde salý jáne jaraqtandyrý boıynsha birqatar joba iske asyryldy.

Atap aıtqanda, 2019 jyly Orhun Medical medısınalyq kompanııasymen memleket-jekemenshik áriptestik sheńberinde Qazaq onkologııa jáne radıologııa ǴZI-da PET/KT-ortalyǵy paıdalanýǵa berildi. 2022 jyly Shymkent qalalyq onkoortalyǵynda MJÁ jobasy aıasynda PET-apparaty, sondaı-aq pasıentterge jańa býyn sáýlelik terapııasyn júrgizýge zamanaýı sáýlelik údetkish ornatyldy.

Al 2024 jyldyń qyrkúıeginde Oral qalasynda Onkologııalyq aýrý­­lardy ınnovasııalyq dıagnostıkalaý ortalyǵy ashyldy. Sondaı-aq MJÁ aıasynda, óńirde zamanaýı KT-sımýlıator men sáýlelik údetkishpen jabdyqtalǵan Iаdrolyq medısına ortalyǵy ashyldy. Jańa orta­lyqta medısınalyq kómek barlyq pasıent­terge Tegin medısınalyq kómektiń ke­pildik berilgen kólemi (TMKKK) sheń­be­rin­de Oral qalasy men Batys Qazaqstan obly­synyń turǵyndaryna ǵana emes, respýblıkanyń barlyq turǵyn­da­ry­na da tegin kórsetiledi.

Qyrkúıek aıynyń ortasynda Alma­tyda Qazaq onkologııa jáne radıo­logııa ǵylymı-zertteý ınstıtýty bazasynda Onkologııalyq aýrýlardy ınno­va­sııalyq dıagnostıkalaýdyń ekinshi orta­lyǵy jumys isteı bastaıdy. Atalǵan ortalyqtar onkologııalyq aýrýlardy erte anyqtaýdy aıtarlyqtaı jaqsartady, bul pasıentterdiń ómir súrýin arttyrý múmkindigin arttyrady.

Buǵan qosa, «Qazaqmys» korporasııa­symen Taldyqorǵan qalasynda jańa onkologııalyq ortalyq salý týraly kelisimge qol jetkizildi. Taldyqorǵanda qazirgi zamanǵy onkologııalyq orta­lyqtyń qurylysy Jetisý halqyna ǵana emes, jaqyn mańdaǵy óńirler – Almaty, Shyǵys Qazaqstan, Abaı oblystaryna da ózekti. Jobany iske asyrý oblys ákimdigi Jetisý, «Kazakhmys Holding» JShS jáne Qazaqstan Den­saýlyq saqtaý mı­nıstrligi arasynda qol qoıylǵan úsh­jaqty mámile arqyly júzege asty.

Dılıara QAIDAROVA,

«Qazaq onkologııa jáne radıologııa ǴZI» AQ basqarma tóraǵasy, UǴA akademıgi