AGRARShY TÚLEKTERDIŃ ShERÝI

Qazaq ulttyq agrarlyq ýnıversıtetiniń 80 jyldyǵyna arnaldy Sózimizdi áriden bastasaq, QazUAÝ – Qazaqstandaǵy baıyrǵy Almaty zootehnıkalyq-maldáriger­lik jáne Qazaq aýyl sharýashylyǵy ınstıtýttarynyń birigýi negizinde 1996 jyly qurylyp, 2001 jyly Elbasynyń Jarlyǵymen Ulttyq joǵary oqý orny mártebesine ıe bolǵan elimizdiń osy saladaǵy kósh­basshy bilim ordasy. Qazir ýnıver­sı­tette 7 fakýltet, 39 kafedra bar. Búginde bilim ordasynda bir jarym myń ustaz dáris oqıdy. Onyń ishin­de 700-ge jýyǵy ǵylym doktory men kandıdattar. Ýnıver­sıtette 4 ǵylymı-zertteý ınstı­týty, 3 ǵyly­mı ortalyq bar. Baka­lavr, magıstr, aspırant, Phd doktorlyǵyna ma­man­dyqtar daıar­laıdy. Oqý orny óziniń tarıhynda 135 myńnan astam maman daıarlap, olar respýblıkada agrarlyq óndi­ris­tiń, bilim men ǵylymnyń damýy­na laıyqty úles qosty. Búginde ol halyqaralyq bilim standarttaryna saı ınnova­sııa­lyq oqý ornyna aınalyp otyr. Ýnıversıtettiń qol jetkizgen jetis­tigi az emes. Máse­len, osydan 55 jyl buryn túlep ushqan túlekter bar biliktiligin agrarlyq salaǵa arnap, halyqara­lyq kelisimde ǵylymı tujyrym­damalardy dálel­dedi. Nátıjesinde, otandyq ǵalym­dar dándi daqyldar­dyń 140 túrin shyǵarǵan. Qazir sol tuqymdy álem­niń 10-ǵa tarta mem­le­­keti egistik alqaptarda paıdaǵa asyrýda. – Ýnıversıtet jyl saıyn agro­ónerkásip salasynda bilikti mamandar daıarlap, elimizge jańa­lyq retinde enip jatqan agrarlyq qaty­nas­tardy qalyptastyrýdyń keshendi máselelerin túbegeıli sheshý mindetimen aınalysyp keledi. Ýnı­versıtetimiz álemniń kóptegen je­tek­shi oqý oryndary­men tyǵyz qarym-qatynas ornat­qan. Máselen, “ERASMUS MUNDUS” baǵdarla­ma­­sy boıyn­sha Eýropanyń 7, “TEMPUS” baǵdarlamasymen 6 jáne t.b. 53 memleketpen halyq­aralyq baıla­nys­tary bar, – deı kele, QazUAÝ-dyń rektory, QR UǴA akademıgi Tilektes Espolov salta­nat­ty jıynǵa qatysýshylardy mereıtoı­men quttyqtap, eńbekteri­ne tabys tiledi. Oqý orny ózderiniń tanymal túlekteri retinde Aýyl sharýashy­lyǵy mınıstri A.Kúrishbaev, Qar­jy mınıstri B.Jámishev, Parla­ment depýtattary О́.Baıgeldı, J.Tóregeldıev, E.Omarov, Q.Ýálı, Ý.Eleýbaev, qala ákimi A.Esimov, oblys ákimderi S.Úmbetov, A.Myr­zahmetov, qoǵam jáne memleket qaıratkerleri K.Aýhadıev, S.Tere­shenko, A.Qulybaev, t.b. maq­ta­nysh­­pen ataıdy. – Bizdiń bitirýshi túlekter arasynan 7 akademık, 20-dan astam ǵylym doktory, 20-ǵa jýyq ǵylym kandıdaty shyqty, – deıdi QR UǴA akademıgi Rahman Orazǵalıev. – Atap aıtsaq, akademıkter Súleımenov, Dúısenbekov, Ilııasov, t.b. Olardyń árqaısysynyń agrarlyq ǵylymda óz orny bar ǵalymdar jáne kóptegen shákirtter daıyndaǵan aıtýly azamattar. Aldymen bas ǵımaratta bas qosqan ǵalym-túlekter “bolashaq izbasarlar kóbeısin” degen nıetpen aǵash kóshetterin otyrǵyzsa, keshke qaraı stadıonda túlekter men oqytýshylardyń, stýdentterdiń jáne QR Qorǵanys mınıstrliginen “Eń úzdik kafedra” ataǵyn alǵan áskerı kafedranyń ofıserleri men kýrsanttarynyń saltanatty sherýi boldy. Sonymen qatar, qazaqtyń ulttyq kıimin kıgen kózdiń jaýyn alǵan ýnıversıtettiń 500 stýdenti “Qara jorǵa” bıin naqy­shyna keltire bılep, jınal­ǵandardy bir jelpindirip tastady. 9 myń adam qatysqan bul aıtýly mereke Eskendir men Birjan Hasan­ǵalıev pen ózge de tanymal ánshilerdiń shoý-konsertimen aıaqtaldy. Gúlzeınep SÁDIRQYZY. ALMATY.