Arab ámirlikteri men Marokko memleketterinde qatary sıregen qusty qoldan kóbeıtý tájirıbesi burynnan bar. Al Túrkistan oblysy Báıdibek aýdanyndaǵy pıtomnıkte dýadaq ósirilip kele jatqanyna onshaqty jyldan asyp qaldy. Qazaqstan men BAÁ birlese qolǵa alǵan osy sharýa áldeqashan «Qyzyl kitap» «keıipkerine» aınalǵan qustyń qarasyn kóbeıtýge aıtarlyqtaı septigin tıgizip otyr. Osydan 5 jyl buryn elimizde azaıyp bara jatqan qus túrin qorǵap, kóbeıtýge el nazaryn aýdarý úshin dýadaq «Jyl qusy» bolyp jarııalandy.
«Tabıǵat aıasyna jiberilgen qustardyń bárine bilezik taǵylyp, olardyń mıgrasııa kezindegi qozǵalysyn baqylap otyrýǵa teri astyna chıp ornatylǵan. Qanattylar arasynda asa saqtyǵymen erekshelense de jaıly jerde óskendikten bular áýelgide eshkimnen qaýip kútpeıdi. Brakonerler osyndaı sátti paıdalanyp, olardy atyp alatyn jaǵdaı da kezdesedi.
Jalpy, erekshe qorǵaýǵa alynǵan qustarǵa qarý kezegender 700 AEK kóleminde aıyppul arqalaıdy. Memleketke keltirgen zalaly taǵy esepteledi. Sóıte tura, ebin taýyp atyp alatyndar bar. Solar qulqynyn emes, tabıǵat baılyǵynyń qurymaýyn oılasa eken», deıdi «Ohotzooprom» О́B» RMQK Qyzylorda fılıaly basshysynyń orynbasary Nurıdın Qasymov.
QYZYLORDA
