Jumys úderisi túgel avtomattandyrylǵan
Jyl ótken saıyn sheberligin shyńdap, otandyq kásipkerliktiń damýyna súbeli úles qosyp keledi. Talǵar qalasynda ornalasqan iri tigin fabrıkasy 10 myń sharshy metr aýmaqty alyp jatyr. Negizgi 4 óndiris jelisinen (pıdjak, shalbar, jeıde jáne toqylǵan buıymdar) turatyn otandyq fabrıkada 250 jumysshy bar. On saýsaǵy iske ıkemdi sheberler táýligine 2 myńnyń mańaıynda kıim tigip, saýda sóresine daıyndap shyǵarady.
Talǵar turǵyndaryn turaqty eńbekpen qamtyp otyrǵan kásiporynnyń mektep oqýshylaryna arnap tikken formasy joǵary sapasymen suranysqa ıe. Sonymen qatar áýe kompanııalary men ulttyq kompanııalar, kommersııalyq nysandar, bankter men meıramhana, kúzet qurylymdary qyzmetkerlerine arnaıy tigilgen ýnıformalaryna elimizdiń ár túkpirinen tapsyrys túsedi. Fabrıka ónimderi eldiń barlyq aımaǵyn qamtıtyn 41 fırmalyq dúkende saýdalanady.
«Kompanııa eńbekkerlerin óz isiniń sheberleri dep aıtýǵa negiz bar. О́nimdilik artyp keledi. Jumys tártibi men reti kúndelikti qadaǵalanyp otyrady. Ozyq tehnologııa engizilgen kásiporyn tolyǵymen avtomattandyrylǵan. О́tken jyly 41 myńnan astam kıim tigilip, dúken sórelerine jóneltildi. Osy jyldyń jospary boıynsha 120 myń birlik kıim tigý kózdelgen. Qyrkúıek aıynda fabrıka tiginshileri 7 myń birlik kıim tigip shyǵardy. Degenmen óndiristi órkendetýde shıkizat máselesi qolbaılaý ekeni belgili. Kıim tigýge qajet matalar men jipter Túrkııa, Qytaı, Eýropa elderinen satyp alynady», deıdi «Glasman» JShS dırektory Anvar Hılajev.
Otandyq jeńil ónerkásiptiń tasyn órge domalatyp otyrǵan fabrıkada jumys úderisi tolyqtaı avtomattandyrylǵan. Ozyq tehnologııalardy paıdalaný arqyly eńbek ónimdiligi artyp qana qoıǵan joq, sonymen qatar joǵary sapaǵa qol jetkizý múmkindigi de týdy. Fabrıka ónimi sándi de sapaly bolyp shyǵýy úshin birneshe satydan ótedi. Aıtalyq, kıimge qajet mata aldymen joǵary temperatýrada óńdelip, eki táýlik qozǵalyssyz saqtalady. Odan soń baqylaýshy mamandar matada aqaýdyń bar-joǵyn tekseristen ótkizedi. Matanyń ár oramyna shtrıh-kod berilip, málimetter bazaǵa júktelgennen keıin ǵana dızaıner elektrondy túrde mataǵa órnek salýdy bastaıdy.
Fabrıka tiginshileri matany qolmen kesý degendi umytqaly qashan?! Zamanaýı qurylǵy daıyndalǵan úlgilerdi avtomatty túrde ázirleıdi. Sonyń nátıjesinde kemshilikter men qatelikterge jol berý azaıǵan. Alaıda mamandar daıyn úlgini taǵy bir tekseristen ótkizýdi umytpaıdy. Osydan keıin ǵana kesilgen mata úlgileri tigin sehyna jiberiledi. Munda úlgiler jeke bólikterge bólinip, qaltasy, aksessýary, belbeýi men túımesin taǵý jumystary júzege asady. Sóıtip, kıim tigý úderisi daıyn ónimdi útikteýmen aıaqtalady.
«Otandyq bızneske qoldaý aýadaı qajet. Tehnologııalyq úderisterdi avtomattandyrýǵa jumsaǵan shyǵyndarymyzdyń bir bóligin óteý úshin «Qazlndustry» AQ-ǵa ótinim berip, qoldaýǵa ıe boldyq», deıdi kásiporyn basshysy.
«Adal azamat» qaǵıdatyna saı keledi
Ujym basshylyǵynyń kásibı maman tapshylyǵyn joıý jáne jergilikti kolledj túlekterin óndiristik praktıkadan ótkizý, olardyń jumyspen qamtylýyna qolushyn berýde belsendilik tanytyp otyrǵanyn da atap aıtýǵa turarlyq. «Glasman» fabrıkasymen Talǵar polıtehnıkalyq kolledji 2017 jyldan bastap tiginshi mamandyǵy boıynsha dýaldy oqytýǵa kelisimshart jasasqan.
«Dýaldy oqytý aıasynda jalpy oqý sanynyń 60 paıyzy mekemede ótkiziledi. Bilim alýshylardy birinshi kýrstan osy fabrıkaǵa jumysqa ornalastyrýǵa baǵyttaımyz. Bul maqsatta ekskýrsııa ótkizip, tanystyramyz. Ekinshi kýrstan óndiristik praktıkaǵa barady. Árıne, barlyq 25 bilim alýshy «Glasman» tigin fabrıkasyna ornalastyrylmaıdy, toptyń 40-50 paıyz stýdenti praktıkany tigin fabrıkasynda ótedi. Keıbir jaqsy bilim alýshylarǵa aqyly tólem jasalady. Úshinshi kýrsta tolyq kásiptik praktıka óndiriste ótkiziledi, onda da «Glasman» fabrıkasy jaqsy kómek kórsetip, praktıkaǵa qabyldaıdy. Nátıjesinde, bilim alýshylar zamanaýı jabdyqtarmen, ozyq tehnologııamen tanysady jáne jumys barysyn jete túsinedi», deıdi Talǵar polıtehnıkalyq kolledjiniń kásiptik oqytý sheberi Aısalqyn Temirjanqyzy.
Bıyl oqý ornyn támamdaǵan túlekterdiń ishinen Uljan Asanova men Tahmınam Sadyrova fabrıkada turaqty jumysqa ornalasyp, tabys taýyp ári sheberlikterin shyńdap keledi.
Memleket basshysy 2025 jyldy Jumysshy mamandyqtary jyly dep jarııalaǵan edi. «Adal ári tabandy eńbegimen tabysqa jetken adamdar qashanda qurmetti, syıly bolýy kerek. Bul biz usynyp otyrǵan «Adal azamat – Adal eńbek – Adal tabys» qaǵıdatyna tolyq saı keledi» degen Prezıdent senimine laıyq azamattardyń biri ári biregeıi «Glasman» JShS dırektory Anvar Hılajev desek, artyq aıtqandyq emes. Ol bastaǵan ujymnyń shırek ǵasyrdan beri joǵary sapaǵa ıe brendtik ónimderi tutynýshylar kóńilinen shyǵyp qana qoımaı, ımportqa táýeldilikti tómendetip keledi.
Almaty oblysy
