Foto: Vıdeodan alynǵan kadr
Birneshe kún buryn Kegende 43 jastaǵy er adam, onyń 15 jasar uly jáne 1968 jyly týǵan kórshisi qaıtys bolǵan. Jergilikti turǵyndar úıinde sý toqtap qalǵan soń ákesi men balasy jáne olardyń kórshisiniń qubyrdy tekserý úshin qudyqqa túskenderin málimdedi.
Bastapqyda bir qarap shyǵýǵa 15 jastaǵy jasóspirim túsken eken. Biraq kóp uzamaı sonda talyp qalǵan. Ákesi qutqarýǵa umtylǵanymen, keri shyǵa almaı, es-tússiz qulaǵan. Artynan 56 jastaǵy kórshisi túsip, ol da tómende til tartpaı ketken.
«Birinshi inimdi alyp shyqty. Qarasaq, denesi sýyp ketken. Alǵashqy kómekten keıin qusyp jiberip, kózin ashty da, júrip ketti. Odan keıin Serik degen aǵany shyǵardy. Úshinshisinde ishinde sýy bar qudyqtyń túbine jete almady. О́rt sóndirýshiler sýdy sorǵyzyp, sodan keıin balany shyǵaryp aldy. Ol kezde bala kógerip ketken», dedi marqumnyń týysy Dına Aıtbaeva.
Turǵyndar qaıǵyly jaǵdaıdyń bireýdiń salǵyrttyǵynan oryn alǵanyn alǵa tartqan. Sondaı-aq, olar qudyqtyń beti kólik júretin joldan bir qarys tómen ornalasqanyn aıtty. Topyraqpen kómilip jatqanyna bir aıdan asqandyqtan, biteý turyp, aýa aınalymy júrmegendikten, ishinde ýly gaz paıda bolýy múmkin ekeninin tilge tıek etti.
«Sý júrgizilgennen keıin jol salynǵan kezde tehnologııa boıynsha qudyqtyń beti kóterilip turýy kerek. Jol salǵan merdiger kóterip, asfaltpen teńestirip jasap ketý kerek bolatyn. Turǵyndar qudyqtyń betin ashyp qoıǵan. Sońǵy bir jarym aıda Kegen aýylynda drenajdy kanal júrgizildi. Sol kezde qudyqtyń betin topyraqpen bekitip ketken», dedi marqumnyń týysy Maqpal Shadan.
Marqum jandardyń týystary qudyqtyń ishinde olardy toq urýy múmkin dep boljam jasaǵan.
«2020-2021 jyldary joldy qabyldap alǵan kisi qazir qyzmette joq. Ne sebepti dál sýdyń ústine jol salyp ótkenin aıta almaımyn. Qudyqtyń betin kóterip, kólikter óte alatyndaı etip jasaımyz», dep habarlady Kegen aýdany jolaýshylar kóligi jáne avtomobıl joldary bóliminiń basshysy Jasulan Kádil.
Anyqtalǵandaı, qazir marqumdardyń denesi Qonaev qalasynda. Olardyń neden qaıtys bolǵany saraptama qorytyndysynan keıin belgili bolady.
