Foto: OKQ
Onyń aıtýynsha, bıyl elektr stansııalarynda 10 energoblok pen 55 qazandyqty jáne 45 týrbınany kúrdeli jóndeý josparlanǵan, odan bólek aǵymdaǵy jóndeý jumystary da júrgiziledi. Atalǵan jumystar aıaqtalýǵa jaqyn.
«Jylytý maýsymyn bastaýǵa qazandyqtar men týrbınalar daıyn. Mysaly, Pavlodar oblysynyń áleýmettik nysandaryna jylý berile bastady. Bul barlyq qural daıyn ekenin bildiredi», dedi spıker.
Jylýdy erejelerde kórsetilgen merzimnen erterek qosý múmkin be? Suńǵat Esimhanov bul suraqqa da jaýap berdi. Vıse-mınıstriniń aıtýynsha, arnaıy erejeler ázirlendi, oǵan sáıkes ortasha táýliktik temperatýra +8 gradýstan tómen bolýǵa tıis.
Baspasóz konferensııasynda spıker: «Jergilikti atqarýshy organdar osy erejelerdi ustanady. Biraq bul tek usynys qana. Árbir jergilikti atqarýshy organ jylytý kezeńin erterek bastaýǵa quqyly. Qaıtalap aıtamyn, Pavlodardaǵy áleýmettik nysandarǵa bir apta buryn jylý berile bastady. Qazirgi kezde basqa qalalarda da sheshimder qabyldanyp jatyr», dedi.
