Foto: QR TJM
Ustalǵan azamattar taý-ken jáne qurylys jumystaryn júrgizý kezinde qaýipsizdik erejelerin buzǵany úshin qylmystyq iske tartyldy. Qazirgi ýaqytta kásiporynnyń alty qyzmetkeri ýaqytsha ustaý ızolıatorynda otyr.
«Pavlodar oblysynyń polısııasy taý-ken jáne qurylys jumystaryn júrgizý kezinde qaýipsizdik erejelerin buzý deregi boıynsha qylmystyq isti tergeý aıasynda «Maıqaıyńaltyn» AQ-nyń alty jaýapty qyzmetkeri ustalyp, Pavlodar PB ÝUI-ǵa qamaýǵa alyndy», dep túsindirdi Pavlodar oblysy Polısııa departamentiniń baspasóz qyzmeti.
Tergeý amaldary jalǵasyp jatyr.
Eske sala keteıik, osy jyldyń 4 qańtaryna qaraǵan túni saǵat 01:25 shamasynda Pavlodar oblysynyń Baıanaýyl aýdanynda «Maıqaıyńaltyn» AQ aýmaǵynda 4 jolaýshysy bar avtobýs oıyqqa qulap ketken edi. Apat kezinde avtobýsta 4 adam bolǵan.
