Jańa oqý jylynan bastap Selınograd aýdanynda úshinshi jaıly mektep ashylyp, ata-analardy qýanyshqa bólep otyr. Bilim oshaǵy zaman talabyna saı jabdyqtalǵan. Qosymsha bilim berý sabaqtaryn ótkizýge arnalǵan kabınetter, horeografııadan robottehnıkaǵa deıingi ártúrli úıirme jumys isteıdi. Qaýipsizdik kameralary men dabyl túımeleri ornatylǵan.
Oblys ákimi Marat Ahmetjanov Qaraótkelge arnaıy kelip, mektep oqýshylaryn bilim oshaǵynyń ashylýymen quttyqtady.
– «Jaıly mektep» jobasy mektepterde oryn tapshylyǵy máselesin sheshedi, – dedi oblys ákimi, – qala men aýyl mektepteri arasyndaǵy alshaqtyqty azaıtady. О́skeleń urpaqtyń úılesimdi jáne baqytty balalyq shaǵy – jalpyulttyq mindet.
Osy ýaqytqa deıin mekteptegi oryn tapshylyǵyn sezinip kelgen aýyl turǵyndary da aq túıeniń qarny jarylǵan ádemi oqıǵaǵa razy.
– Biz aýylda elorda mektepterinen synyq súıem kem túspeıtin osyndaı zamanaýı ári ádemi mektep ashylady dep oılamaǵan edik. El Prezıdentiniń bolashaq qamyn oılap, jasap jatqan qamqorlyǵyna shyn júrekten rızamyz, – deıdi aýyl turǵyny Gúlnur Amanova.
Bilim oshaǵynda jas jol ınspektorlarynyń kabıneti, sondaı-aq kámeletke tolmaǵandar arasyndaǵy quqyq buzýshylyqtardyń aldyn alý boıynsha vedomstvoaralyq ózara is-qımyl jáne «Birtutas tárbıe» biryńǵaı tárbıe baǵdarlamasy aıasynda ashylǵan «SKÝD», «Alaqan» mektepteriniń qaýipsizdik júıeleri tanystyryldy. Mundaı synyptyń ashylýy, eń aldymen, patrıotızm men Otanǵa degen súıispenshilikti tárbıeleýge, mektep ortasynda quqyq buzýshylyqtardyń aldyn alýǵa, oǵan qosa mamandyq tańdaýǵa kómektesýge baǵyttalǵan.
Jyl sońyna deıin óńirde 10 mektep paıdalanýǵa berilmek. Onyń altaýy jaıly mektep sanatynda.
Aqmola oblysy,
Selınograd aýdany
