Natrıı sıanıdin óndiretin zaýyt

2014 jyly iske qosylǵan zaýyt jyl ótken saıyn óndiris kólemin arttyryp, qulashyn keńge sermedi. Kásiporyn qazir óńir ekonomıkasyna aıtarlyqtaı tabys túsirip otyr. Munda óndiriletin natrıı sıanıdi men ammonıı sýlfaty otandyq naryqty qamtyp qoımaı, birneshe shet memleketke satylady. Zaýyt basshylary keltirgen derekke júginsek, kásiporynnyń jyl­dyq qýaty 15 myń tonna nat­rıı sıanıdin óndirýge qaýqarly. Suranys bolsa, bul mejeni baǵyndyrý qıyn emes. Júzdegen azamatty turaqty ju­mys­pen qamtyp otyrǵan zaýyt jumysyn ilgeriletý baǵytynda da aýyz toltyryp aıtarlyqtaı jumys atqarylyp jatyr.

Birshama ýaqyt buryn serik­testikke qarasty natrıı sıanıdi zaýytynyń ekinshi kezeńiniń qurylysy bastaldy. Qurylys jumysy joǵary qarqynmen júrgizilip jatyr. Derekke júginsek, jumys aldaǵy jyly tolyqqandy aıaqtalýǵa tıis. Nátıjesinde, kásiporynnyń óndiristik qýaty eki ese artady.

«Seriktestikke qarasty natrıı sıanıdi zaýyty ekinshi kezeńiniń jumysy belsendi júrip jatyr. Qurylys jumys­tary tolyq bitkennen keıin zaýyttyń óndiristik qýaty 30 myń tonnaǵa jetedi», deıdi seriktestik basshysynyń orynbasary Ábdiǵalı Júnisov.

Osydan soń kompanııanyń qarjylyq ahýalyna toq­tal­ǵan orynbasar: Joba iske qo­sylǵannan keıin 300 jańa jumys orny ashylady. Qurylys jumysyn júrgizý úshin jeke qarjydan bólek, «Qazaqstan damý banki» men «Báıterek» holdınginen ınvestısııa tartyldy. Qysqasy, ekinshi ke­zeń jumysy aıaqtalǵannan ke­ıin jyl­dyq ónim kólemi aı­tar­lyq­taı artady», dep óz sózin túıindedi.

«Talas Investment Company» JShS dırektorynyń orynbasary keltirgen derek bo­ıynsha, zaýyt ótken jyly 13 800 tonna natrıı sıanıdin, 4 666,500 tonna ammonıı sýlfatyn ón­dirip, otandyq naryqqa jáne eksportqa jó­nel­tipti. Osy jyl­dyń tamyz aıyna deıin 79 89,36 tonna natrıı sıandıdi, 2 754,400 ton­na ammonıı sýlfaty óndirilgen.

«Taýarǵa negizinen Mońǵolııa, Qyrǵyz Respýblıkasy, Tá­­jikstan mem­leketterinen su­ranys artyp otyr. Qazir ká­siporynda 624 azamat jumys­pen qamtylǵan. Olardyń ortasha jalaqysy 292 362 teńgeni quraıdy», deıdi Ábdiǵalı Júnisov.

О́ndiris oshaǵy qaldyqsyz tehno­lo­gııaǵa negizdelgen. Ká­siporynǵa qajetti shıkizat retinde gaz ben ken qospalary paıdalanylady. Zaýyttyń óńir ekologııasyna eshqandaı zııany joq. Al joǵary temperatýrada ajyratylǵan ammonıı sýlfatyn tyńaıtqysh retinde paıdanýǵa bolady.

Jambyl oblysy,

Talas aýdany