Foto: Ashyq derekkóz
Anyqtalǵandaı, qylmyskerlerdiń jábirlenýshilerge keltirilgen shyǵyn mólsheri 650 mln teńgeden asqan.
«Qaraǵandy qalasynda 45 jastaǵy er adam ustaldy. Ol 2018 jyldyń shildesinde ózi Aqtóbede bola otyryp, elordada jyljymaıtyn múlik satyp alyp berý syltaýymen 100 mln teńgeni ıemdengen. Almaty qalasynda 44 jastaǵy áıel ustaldy. Ol kókónister men jemisterdi jetkizý syltaýymen azamattardy 516 mln teńgeden astam somaǵa aldaǵan. Astana qalasynda 60 jastaǵy jergilikti turǵyn ustaldy. Ol ótken jyldyń qyrkúıek aıynda jeńildetilgen nesıe arqyly turǵyn úı satyp alý syltaýymen 30 mln teńge jymqyrǵan. Sonymen qatar Reseı Federasııasynyń Máskeý qalasynda 30 jastaǵy otandasymyz ustaldy. Ol da alaıaqtyq jolmen ondaǵan mıllıon teńgeni qaltaǵa basqan», dedi departament bastyǵy – IIM resmı ókili Shyńǵys Álekeshev.
Aıta keteıik, jalpy qabyldanǵan sharalardyń nátıjesinde jyl basynan beri 1 360 qylmysker qolǵa túsip, 1 000-nan astam habar-osharsyz ketken adamnyń ornalasqan jeri anyqtalǵan.
