Foto: Azattyq Rýhy
Qujatta qarǵyn sý saldarynan zardap shekken joldardy qalpyna keltirýge Atyraý oblysynyń bıýdjetine aýdarý úshin Úkimettiń tótenshe rezervinen QR Kólik mınıstrligine shamamen 5,9 mlrd teńge bólý qarastyrylǵan.
«Atalǵan qarajattyń 4,6 mlrd teńgesi oblystyq mańyzy bar avtojoldardyń jeti ýchaskesin, onyń ishinde, «Inder – Qarabaý – Saǵyz», Qarabaý kentine kirme joldar, «Sarytoǵaı – Mahambet», «Atyraý – Inder», sondaı-aq Qulsary qalasyndaǵy jaıaý júrginshiler jolyn qalpyna keltirýge baǵyttalady. Sý tasqyny saldarynan zardap shekken «Inder – Qarabaý – Mııaly – Saǵyz» avtojolyndaǵy kópir men sý ótkizý qubyrlardyń qurylysyna shamamen 1,3 mlrd teńge bólinedi», delingen habarlamada.
Aıta keteıik, sý tasqyny 11 jol ýchaskesinde eleýli qıratýlarǵa ákelip, bes ýchaskede sý ótkizgish qubyrlarǵa zaqym keltirgen.
