Baıqaýshylarmen baıypty áńgime

Elbasy Nursultan Nazarbaev halyqaralyq baı­qaý­shy­lar­men kezdesti, dep habarlady Prezıdenttiń baspasóz qyzmeti. Elbasy halyqaralyq baı­qaý­shylarǵa Qazaqstan Respýb­lıkasy Prezıdentiniń saı­laýyna qyzyǵýshylyq tanyt­­qandary úshin alǵys aıtyp, saılaýshylardyń saıası belsen­diligi men bılikke senimi artyp kele jatqanyn atap ótti. – О́zderińizge málim, saılaý barysynda halyqtyń belsendiligi joǵary ekeni baıqaldy. Búgin Or­talyq saılaý komıssııasy ja­rııalaǵan málimetke sáıkes, saı­laýshylardyń 95,5 paıyzy daýys bergen. Sońǵy 5 jylda eldegi saılaýshylar sany jarty mıllıonnan astam adamǵa ulǵaıdy. Saılaý barysyn monıtorıngteý jáne jarııalap kórsetý isin baıqaýshylar, sonyń ishinde halyqaralyq uıymdardyń ókilderi men sheteldik jýrnalıster qamtamasyz etti. Saılaý qorytyndysy boıynsha halyqtyń absolıýttik qoldaýy Qazaqstannyń aldyna men qoıyp otyrǵan mindetterdi júzege asyrý úshin teńdessiz mandat beredi, – dedi Nursultan Nazarbaev. Qazaqstan Prezıdenti memlekettiń aldynda turǵan mindetterge toqtaldy. – Birinshi kezekte biz halyq qoldaǵan qazirgi baǵytymyzdy jalǵastyratyn bolamyz. Biz elimizde bar tabıǵı resýrstarǵa táýeldi bolmaıtyn ekonomıka qalyptastyrýǵa nıettimiz. Qazirgi kezde ındýstrııalandyrýdyń birinshi besjyldyǵy aıaqtaldy, onyń aıasynda 800-ge jýyq kásiporyn quryldy. Qazir biz ekinshi besjyldyqqa aıaq bastyq. Biz óz kúshimizge tolyq senimdimiz jáne álemdik qarjy ınstıtýttarynyń, sondaı-aq, 100-ge tarta transulttyq kompanııalardyń qoldaýyna ıe bolyp otyrmyz, – dedi Memleket basshysy. Nursultan Nazarbaev taǵy bir basymdyq – «Nurly Jol» memlekettik baǵdarlamasyn júzege asyrý ekenin, onda eldiń kólik ınfraqurylymyn damytý jáne Qazaqstannyń Eýropa men Azııa arasyndaǵy tranzıttik kópir retindegi rólin arttyrý máselesi qarastyrylǵanyn aıtty. Qazaqstan Prezıdenti «Nur Otan» par­tııasynyń XVI sezinde jarııalanǵan 5 halyq­tyq reformanyń da mańyzdylyǵyn eske saldy. – Erteńgi kúnnen bastap-aq biz arnaıy komıssııalar qurýǵa jáne osy reformalardy iske asyrýǵa kirisemiz. Bul jańǵyrtýlar óte ózekti, sondyqtan olardy júzege asyrý úshin halyq bergen senim mandaty asa mańyzdy, – dedi Memleket basshysy. Nursultan Nazarbaev Qazaqstannyń syrtqy saıasaty kópvektorlylyq pen teńgerimdilik qaǵıdattaryna qurylatynyn atap ótti. – Qazaqstan kórsetilgen senimdi paıdalana otyryp, beıbitshilik ornatý baǵytynda kúsh-jiger jumsaýyn jalǵastyryp keledi jáne túrli óńirlerdegi qaqtyǵysýshy taraptardyń arasynda araaǵaıyndyq etýde. О́zderińizge málim, biz Iran máselesine atsalystyq, Sırııaǵa da kómektesýge nıettimiz. Sonymen birge, men Ýkraınadaǵy qaqtyǵysty retteýge kúsh-jiger jumsap kelemin,  – dedi Qazaqstan Prezıdenti. Halyqaralyq baıqaýshylar óz kezeginde saılaý úderisin oń baǵalap, saılaý qorytyndysy eki qurlyqtyń arasyndaǵy tabıǵı kópir bolyp otyrǵan Qazaqstandaǵy demokratııanyń jeńisin ǵana emes, Azııa men Eýropanyń barsha demokratııalyq qoǵamdarynyń bolashaǵyn da pash etkenin atap ótti. GFR Býndestag depýtaty, HDO/HÁO partııasynan saılanǵan PASE múshesi K.Shtrens Nursultan Nazarbaevty saılaýdaǵy jeńisimen quttyqtady jáne Germanııa Federaldyq Kansleri A.Merkeldiń jyly lebizin jetkizdi. – Saılaýdy uıymdastyrý joǵary deńgeıde boldy. Men baqylaǵan ýchaskelerde eshqandaı zań buzýshylyq kórmedim, bári óte saýatty ótkizildi, sol sebepti de nátıjeleri óte jaqsy boldy, – dedi K.Shtrens. EQYU Parlamenttik Assambleıasynyń burynǵy tóraǵasy, Azııa jáne Jerorta teńizi elderiniń «Izamed» ınstıtýtynyń parla­mentaralyq yntymaqtastyq máseleleri jónindegi prezıdenti R.Mılorı Qazaqstandaǵy kezekten tys prezıdenttik saılaý ózge demokratııalyq elderge úlgi bolyp tabylatynyn atap ótti. – Qazaqstandaǵy prezıdenttik saılaý ashyq, erkin jáne ádil ótkenin halyqaralyq qoǵamdastyq atynan atap aıtqym keledi. Biz saılaýdyń barlyq halyqaralyq standarttarǵa saı ótkenine senimdimiz. Siz ǵana emes, búkil el jeńiske jetti, óıtkeni Qazaqstan tolerantty, zańdy syılaıtyn, ornyqty memlekettiń úlgisi bolyp sanalady, – dedi R.Mılorı. Eýropalyq Parlamentke Latvııadan saılanǵan depýtat, Eýroparlamenttiń Ortalyq Azııa jónindegi delegasııasynyń basshysy I.Grıgýle daýys berý úderisi joǵary deńgeıde uıymdastyrylǵanyn aıtty. – Keshe biz birneshe ýchaskede boldyq, soǵan oraı saılaý asa joǵary deńgeıde, óte jaqsy ahýalda ótti deı alamyn. Qazaqstan azamattary Prezıdent úshin ǵana emes, óz eliniń bolashaǵy úshin, órkendeý, ekonomıkalyq damý jáne turaqtylyq úshin daýys berdi, – dedi depýtat. GFR Býndestag depýtaty, Halyqaralyq ister komıtetine HDO/HÁO partııasy atynan múshe bolyp otyrǵan G.Sertıh halyqtyń belsendiligi men saılaýdyń ashyqtyǵyna nazar aýdardy. – Men Qazaqstandaǵy prezıdenttik saılaýǵa baıqaýshy retinde qatysqanymdy maqtan etemin. Munda kelgen alǵashqy kúni-aq saılaýǵa daıyndyq jergilikti jerlerde qandaı qulshynyspen júrip jatqanyna kýá boldym. Al adamdardyń saılaý ýchaskelerine qalaı kele basta­ǵanyn kórgende, halyq óz Prezıdentin qoldaıtynyn uqtym. Árkim de ózi úshin laıyqty sanaǵan tańdaýyn jasady dep oılaımyn, – dedi G.Sertıh. Salyq jáne ınvestısııalar jónindegi halyqaralyq ortalyq dırektory D.Vıtt ótken saılaý Qazaqstan Respýblıkasynda bolashaq urpaq ıgiligi úshin demokratııalyq ınstıtýttar qalyptastyrý baǵytynda jasalǵan taǵy bir qadam bolǵanyna toqtaldy. – Sizdiń óz jumysyńyzda kelesi basymdyq retinde ekonomıkalyq reformalardy belgilegenińiz óte mańyzdy dep sanaımyn. Olardy júzege asyrý nátıjesinde Qazaqstan Dúnıejúzilik saýda uıymy men Ekonomıkalyq yntymaqtastyq jáne damý uıymynyń múshesi bolady dep úmittenemin. Biz osy órshil maqsatty júzege asyrý barysynda Qazaqstan Úkimetine jan-jaqty qoldaý kórsetýge ázirmiz, – dedi baıqaýshy.