Jańarǵan sabaq pen daǵdy

Oqý-aǵartý mınıstrligi ta­rat­qan aqparatqa súıensek, qa­ýip­sizdik sabaǵy apta saıyn synyp saǵaty aıasynda 10 mınýttan ót­ki­ziledi, taqyryp jylyna úsh ret qaıtalanady. Balalardyń qu­qyq­taryn qorǵaý komıtetiniń tóraǵasy Nasymjan Ospanova jańa sabaqtyń qajettiligi týraly: «Sabaqtar balalardyń jas erekshelikteri men damý deńgeıin eskere otyryp, olardyń ártúrli ómirlik jaǵdaılarda óz is-áreketterine senimdiligin qalyptastyrýǵa baǵyttalǵan. Bizdiń mindetimiz – balalarǵa qajetti aqparatty berip qana qoımaı, túrli jaǵdaılarda durys áreket etýge úıretý», dedi.

Endi bilim alýshylardyń qaýip­sizdik sabaǵynda qandaı taqy­ryp­tardy meńgeretinine toq­ta­laıyq. Bala­baqshalarda atal­ǵan jańa sabaq eresek top­tar­daǵy balalarǵa ǵana ótkiziledi. Mektepke deıingi uıym tárbıelenýshileri qaýipsizdik saba­ǵynda shuǵyl qyzmetter men baıla­nys ortalyqtarynyń telefon nómir­lerin bilý, shuǵyl qyz­metke durys qońyraý shalý, ózi týra­ly negizgi málimetterdi este saqtaý, terezelerge baılanysty qaýip­terdi uǵyný, sondaı-aq balalar alań­da­rynda, oıyn ortalyqtary men at­trak­sıondarda ózin-ózi ustaý ere­je­lerin qalyptastyrý sekildi qajet­ti daǵdylardy meńgerip shyǵýy kerek.

Al bastaýysh synyp balalaryna sý qoımasyndaǵy qaýipter, esikti qaǵý kezinde qaýipti qalaı tanýǵa bolady, beıtanys adamdarmen kezdeskendegi durys áreket etý joldary, muz ústinde júr qaýpi, ózin-ózi qorǵaý, vırtýaldy dostyqtyń qaýpi jáne qańǵybas ıtter kezikkendegi saqtyq sharalary úıretiledi.

Orta synyp oqýshylaryna qaýipti chellendjer taqyryptary boıynsha sabaqtar, bóten adamnyń shaqyrýyn qabyldamaý, kóshedegi qaýipti nysandardan (mysaly, sýburqaqtar, elektr qalqandary) aýlaq júrý, kıberbýllıng jáne odan qorǵaný tásilderi, ata-analar­men senimdi qarym-qatynastyń ma­ńyz­dylyǵy, ınternettegi qaýip­ter, sondaı-aq balanyń quqyqtary men min­detteri týraly taqyryptar ótkiziledi.

Joǵary synyp oqýshylary men kolledjderdiń 1-2 kýrs stý­dentteri alaıaqtardyń aldaýyna tús­peý jáne ózderin tabystyń kúmándi túrlerinen qorǵaý, onlaın-oıyn­dardyń táýe­kel­de­rinen saqtaný jáne qaýipsizdikti qamtamasyz etý, teris emosııalar men sózderge qatysty durys áreket etý, qaýipsiz eńbek jaǵdaılary, ata-analarǵa senim jáne óz áreketteri úshin jaýap­ker­shilik alý erejelerin meńgerip shyǵýy qajet.

Aıta keteıik, sabaqtar Balalardy zor­lyq-zombylyqtan qorǵaý, sýı­sıd­tiń aldyn alý jáne olardyń qu­qyq­tary men salamattylyǵyn qam­tamasyz etý jónindegi 2023-2025 jyl­darǵa arnalǵan keshendi jos­par­­dy iske asyrý sheńberinde júr­gizi­ledi.