Avtobýs qurastyrý zaýytynyń bir bóligin «О́nerkásipti damytý qory» AQ qarjylandyrdy. Quny 11,9 mlrd teńge bolatyn jobaǵa qor 6,2 mlrd teńge quıǵan. 5 paıyzben berilgen nesıe 10 jyl ishinde qaıtýǵa tıis. 5,7 mlrd teńge – ınvestordyń úlesi. Seriktesi – álemdegi eń iri avtobýs óndiretin «Yutong» kompanııasy.
Bastapqyda qala ishi, qalaaralyq marshrýttar jáne balalar avtobýsyn shyǵaratyn zaýyt qazir týrısterge arnalǵan avtobýsty, kez kelgen júk kóligin qurastyrady. Tutynýshy tapsyrys berse boldy, qalaǵanyndaı ázirlep beretin óndiristik qaýqar bar. «QazAvtoJol» qysta qar tazalaıtyn, qum tóseıtin júk kólikterin de daıyndap jatyr. О́rt sóndirý kólikteri de osynda qurastyrylady.Zaýyt 2021 jyly – 165 avtobýs, 2022 jyly – 568 tehnıka, byltyr 1 579 tehnıka qurastyrsa, bıyl bul mejeni 1 648-ge jetkizbek.
Tapsyrystyń artýy – jumys ornynyń kóbeıýine sebep. Keler jyly myń adamǵa jumys berý kózdelip otyr. Sol kezde jylyna 1 200 avtobýs pen 500 arnaıy tehnıka shyǵarady.
Kásiporyn Oqý jáne aǵartý mınıstrligimen shartqa otyryp, sonyń sheńberinde balalardy tasymaldaýǵa arnalǵan avtobýstardy jolǵa salyp keledi. О́ndiris iske qosylǵaly zaýyttan 428 balalar avtobýsy shyqqan.
Munda aldymen avtobýstyń qańqasy dánekerlenedi. Osyndaı 18 beket bar.
– Dánekerleý barysynda metaldy qyzdyryp otyramyz. Qyzǵan metaldyń bekitpesi sapaly shyǵady. Áıtpese, birazdan keıin synyp ketýi múmkin. Bizdiń sehtan shyqqan qorap tekserilip, boıaý sehyna jóneltiledi, – deıdi dánekerleý sehynyń sheberi Evgenıı Terıı.
Boıaý sehynda qurǵatý, boıaý jáne tegistep jyltyratý kameralary bar. Osy bir sehtan boıanyp, syrlanyp ádemi keıipke engen qorap qurastyrý sehyna barady. Qozǵaltqysh bólikteri men barlyq bólshegi osynda ornatylady. Rýli, oryndyǵy, jalpy aıtqanda, ishki ıntereri de jabdyqtalady.
– Tolyq qurastyrylǵan avtobýs birneshe tekseris túrinen ótedi. Bul úshin arnaıy jabdyqtalǵan ǵımarat qarastyrylǵan. Tejegishi, jaryq shamdary, bilikke túsetin qysym, aýaǵa shyǵaratyn gaz mólsheri jiti synalady. Jeldiń, sýdyń ishke ótpeýin tekseredi. Edennen sý ótpeýin tekseretin arnaıy haýyz qazylǵan. Ishine 40 sm
deńgeıinde sý quıylǵan. Avtobýs osy sýmen saǵatyna 25 shaqyrym jyldamdyqpen júrip ótedi. Arǵy jaǵaǵa shyqqanda zerthanashylar avtobýstyń ishi-syrtyn túgel qaraıdy. Jańbyrǵa tózimdiligi tekseriledi. Qos qaptalynan, joǵarydan sý shashatyn garajǵa kirgiziledi. Ábden tekserilip, oń baǵa alǵan kólik qana tutynýshyǵa jol tartady, – deıdi «QazTehna» JShS dırektory Arǵulan Maıqonov.
Zaýytqa dánekerleýshi, avtoslesar mamandyǵy boıynsha jumysshylar qajet. Munda maman daıarlaýǵa aıryqsha kóńil bólinedi. Oblys boıynsha birneshe kolledjben dýaldy bilim berý jóninde kelisim jasaǵan. Stýdentter zaýytqa kelip, teorııadaǵy bilimin tájirıbemen ushtastyrady. О́ndiristik tájirıbede ózin úzdik kórsetken stýdentter jumysqa alynady. Munymen qosa, kásiporynnyń korporatıvtik ýnıversıtetinde qyzmetkerlerdiń sanatyn kóteredi. О́ndiris basshylaryn oqytady, óndiristik baǵyttar boıynsha kadrlar daıarlaıdy.
– Men zaýytqa qatardaǵy slesar retinde qabyldandym. О́ndirispen qatar ósip, órkendep kelemin. Utymdy tájirıbe jınadym. Zaýytta jańadan kelýshilerge korporatıv ýnıversıteti jumys isteıdi. Onda bilimińdi tolyqtyryp qana qoımaı, ónerkásiptiń san qyrly qupııasyn úırenip, bilýge bolady. О́zimdi jetildirýdiń arqasynda jarty jyl boıy elektr mashınasyn júrgizýdi qosymsha úırenip aldym, – deıdi jas maman, «QazTehna» JShS qurastyrý sehynyń sheberi Nııaz Tursynov.
Prezıdent Joldaýda: «Avtokólik qurastyrý isinde oń nátıjeler bar. Osy qarqyndy saqtap, jergilikti óndiris kólemin udaıy arttyrý kerek. Memlekettiń avtokólik ónerkásibine kórsetip jatqan jan-jaqty qoldaýy túptiń túbinde tolyqqandy avtokólik qurastyrý klasteri retinde eldiń ıgiligine aınalýy qajet», dedi. Zaýyttyń da maqsaty sol – otandyq avtoparkti tolyq jańartyp bolǵan soń, eksportqa shyǵý.
Qaraǵandy oblysy
