Aıqyn jeńisimen quttyqtady

Memleket basshysy Nursultan Nazarbaevtyń atyna onyń Qazaqstan Respýblıkasy Prezıdenti bolyp saılanýyna baılanysty Reseı Federasııasynyń Prezıdenti Vladımır Pýtınnen quttyqtaý jedelhaty kelip tústi, dep habarlady Prezıdenttiń baspasóz qyzmeti. Vladımır Pýtın Nursultan Nazarbaevty prezıdenttik saılaý­da aıqyn jeńiske jetýine baı­lanysty shyn júrekten quttyq­taıtynyn jetkizgen. – Daýys berý qorytyndysy Sizdiń otandastaryńyz aldyndaǵy bıik bedelińizdi tolyǵymen qýat­taıdy. Qazaqstan azamattary óz tańdaýlary arqyly Sizdiń eldi áleýmettik-ekonomıkalyq turǵy­dan jedeldetip damytý, eýra­zııalyq yqpaldastyq úderisterge belsene qatysý jáne Reseımen stra­tegııalyq ári odaqtastyq serik­testik qatynastardy nyǵaıtý jó­nindegi baǵdaryńyzǵa keńinen qoldaýyn kórsetti, – delingen jedelhatta. Reseı Federasııasynyń Pre­zı­denti senimdi dıalog pen ekijaqty baılanystardyń aýqy­myn odan ári óristetý jónindegi bir­lesken ju­mysty, sondaı-aq Eý­ra­zııalyq eko­no­mıkalyq odaq pen ózge de halyq­aralyq qurylym­dar aıasyn­daǵy syndarly yqpaldas­tyqty jalǵastyrýǵa daıyn eken­digin atap kórsetti. – Bul Reseı men Qazaqstannyń baýyrlas halyqtarynyń túpki múd­delerine saı keletinine, bizdiń qurlyqtaǵy beıbitshilikti, turaq­tylyq pen qaýipsizdikti qamta­masyz etý jónindegi baǵytpen únde­setinine senimdimin, – delingen quttyqtaýda. Sońynda Vladımır Pýtın Nursultan Nazarbaevqa myqty densaýlyq, sarqylmas qýat jáne memleket basshylyǵyndaǵy asa jaýapty qyzmetine jańa tabystar tiledi. Memleket basshysy Nursultan Nazarbaevtyń atyna onyń Qazaqstan Respýblıkasy Prezıdenti bolyp saılanýyna baılanysty О́zbekstan Respýblıkasynyń Prezıdenti Islam Karımovtan quttyqtaý jedelhaty kelip tústi, dep habarlady Prezıdenttiń baspasóz qyzmeti. Islam Karımov Nursultan Na­zarbaevty prezıdenttik saılaý­daǵy jeńisimen quttyqtady. – О́tken saılaýdaǵy Sizdiń aıqyn jeńisińiz halyqtyń jo­ǵary seniminiń jáne ózińizdiń kóre­gen basshylyǵyńyzben júrgizil­gen, Qazaqstan halqynyń baqýat­tylyǵyna, sondaı-aq eldiń halyq­aralyq arenadaǵy róli men bedelin arttyrýǵa baǵyttalǵan qoǵamdyq-saıası, áleýmettik-ekonomıkalyq tereń reformalardy qoldaýynyń aıshyqty aıǵaǵy boldy, – delingen jedelhatta. О́zbekstan Prezıdenti san ǵasyr­lyq dástúrli dostyqqa, tatý kórshi­lestikke jáne ózara qurmetke  negiz­delgen jan-jaqty damý men eki­jaqty qarym-qatynastyń nyǵaıýy budan ári de eki el halqy­nyń múddesine, óńirdegi beıbit­shilik pen turaqtylyqtyń saqta­lýyna qyzmet ete beretinine senim bildirgen. – Osy múmkindikti paıdalana otyryp, Sizge myqty densaýlyq, sarqylmas kúsh-jiger jáne mem­lekettik qyzmetińizge jańa tabys, al baýyrlas Qazaqstan halqyna ıgilik pen baq-bereke tileımin, – delingen quttyqtaýda. Islam Karımov, sondaı-aq, Nursultan Nazarbaevty Qazaqstan Respýblıkasy Prezıdentiniń saılaýyndaǵy jeńisimen keıinirek telefon arqyly sóılesý kezinde de quttyqtady. Budan bólek, Memleket basshylary ekijaqty yntymaqtastyqtyń ózekti máselelerin jáne О́zbekstan Prezıdentiniń elimizge 2014 jylǵy qarashada kelgen resmı sapary kezinde qol jetkizilgen ýaǵdalastyqtardyń oryndalý barysyn talqylady. Telefon arqyly sóılesýge ózbek tarapy bastamashy boldy. Memleket basshysy Nursultan Nazarbaevtyń atyna onyń Qazaqstan Respýblıkasy Prezıdenti bolyp saılanýyna baılanysty Tájikstan Respýblıkasynyń Prezıdenti Emomalı Rahmonnan quttyqtaý jedelhaty kelip tústi, dep habarlady Prezıdenttiń baspasóz qyzmeti. Emomalı Rahmon Nursultan Nazarbaevty prezıdenttik saı­laýdaǵy jeńisimen shyn júrekten quttyqtaıtynyn jetkizgen. – О́ziniń erik-qalaýy arqyly Qazaqstan halqy eldi órkendetýge, onyń halyqaralyq arenadaǵy bedelin úzdiksiz arttyrýǵa jáne hal­qynyń baqýattylyǵyna baǵyt­talǵan Sizdiń jasampaz saıasa­tyńyzdy keńinen jáne shúbásiz túrde qoldaıtynyn búkil álemge pash etti. Bul jolda jetken jetis­tik­ter Sizdiń esimińizben tikeleı baı­­la­nysty, – delingen jedelhatta. Tájikstan Prezıdenti, son­daı-aq, ózara tıimdi ekijaqty qarym-qatynastyń damýyn atap ótken. – Siz alda da elderimiz ben halyqtarymyz arasyndaǵy ózara yqpaldastyqtyń aıasy keńeıe, tereńdeı túsýine septigińizdi tıgize beretinińizge senimdimin. О́z tarapymyzdan biz eki memleket arasyndaǵy dostyq qarym-qatynastyń nyǵaıýy úshin qajetti nárseniń barlyǵyn jasaıtyn bolamyz, – delingen jedelhatta. Sońynda Emomalı Rahmon Memleket basshysyna myq­ty densaýlyq, uzaq ómir, Qazaq­stan­nyń damýy jolynda tyń tabystar men jańa jetistikter tiledi.