Aqtóbede úzdik aýdandyq sot anyqtaldy

AQTО́BE. 27 qańtar. О́ńirdegi on tórt aýdandyq sot arasynan Aqtóbe oblysynyń kámeletke tolmaǵandardyń isteri jónindegi mamandandyrylǵan aýdanaralyq soty «Jyldyń úzdik aýdandyq soty» konkýrsynda jeńimpaz atanyp, respýblıkalyq baıqaýǵa joldama aldy. Bul týraly egemen.kz tilshisi habarlady. Sottyń jumysyn durys deńgeıde uıymdastyrý sot tóreligin oıdaǵydaı júzege asyrýdyń negizi bolyp tabylady. «2014 jyldyń úzdik sotyn» anyqtaý maqsatynda qurylǵan komıssııa byltyrǵy on aıynyń jumys qorytyndylary boıynsha aýdandyq jáne oǵan teńestirilgen sottardyń jumystaryn tarazylaı kele, joǵary kórsetkishterge jetken Aqtóbe oblysynyń kámeletke tolmaǵandardyń isteri jónindegi mamandandyrylǵan aýdanaralyq sotyn jeńimpaz dep tanydy. О́tken jyldyń 10 aıynda atalǵan sotpen 268 azamattyq, 124 qylmystyq jáne 449 ákimshilik ister qaralǵan. Sot óndirisinde qaralǵan isterdiń 2014 jyldyń 10 aıynda apellıasııalyq satyda 8 azamattyq, 7 qylmystyq jáne 1 ákimshilik ister, kassasııalyq satyda 3 qylmystyq is qaralǵan. Onyń ishinde, kúshi joıylǵan nemese ózgertilgen sot aktileri bolǵan joq. Sot keńsesiniń is júrgizýine baǵyttalǵan jumystar da durys jolǵa qoıylǵan. Aı saıyn «Ashyq esik» kúnin ótkizý, ún-beınejazba qurylǵysyn paıdalaný arqyly sot prosesterin júrgizý, elektrondyq talap aryzdardy qabyldaý, buqaralyq aqparat quraldarymen ózara jumys jasaý tıisti deńgeıde júzege asyrylyp, uıymdastyrýshylyq sharalar joǵary deńgeıde oryndalǵan. Sonymen qatar, sot tóreligin júzege asyrý barysynda jáne sot keńsesi jumysynyń tıimdi uıymdastyrylýyn durys jolǵa qoıyp, aıtarlyqtaı kórsetkishterge qol jetkizgen Qobda jáne Mártók aýdandyq sottary tıisinshe ekinshi jáne úshinshi oryndardy ıelendi. Satybaldy Sáýirbaı. Derek: egemen.kz. Sýret: akt.sud.kz.