Foto: Astana qalasynyń prokýratýrasy
Qala prokýratýrasynyń málimetinshe, sot tergeýi barysynda sottalýshynyń temir konteınerdi jalǵa alǵany anyqtalǵan. Osydan keıin ol qala syrtynda quny 2 mln teńge turatyn jer telimin satyp alyp, atalǵan konteınerdi psıhotroptyq zattardy shyǵaratyn zerthana retinde jabdyqtap, ornalastyrǵany belgili boldy.
Anyqtalǵandaı, kináli tulǵa qylmystyq áreketke eki sybaılasyn tartqan.
«Tergeý barysynda astyrtyn zerthanadan alynǵan 24 kg astam psıhotroptyq zattar joıyldy. Nátıjesinde sot elordanyń úsh turǵynyn asa iri kólemde psıhotroptyq zattardyń analogyn satý maqsatynda zańsyz daıyndaǵany jáne saqtaǵany úshin kináli dep tanyp, 10 jyldan 11 jyl 3 aıǵa deıingi merzimge bas bostandyǵynan aıyrý jazasyna sottaldy», delingen habarlamada.
Sot úkimi zańdy kúshine endi.
