Atalǵan bilim ordasy hımııa jáne bıologııa baǵytynda shákirt tárbıeleýge mashyqtanǵanmen, munda jas býynnyń bilimdi, bilikti bolýymen birge, eldiń tarıhy men mádenıetin, ádebıetin men ónerin tereń meńgerýine basymdyq beriledi. Mektep dırektory Aıdarbek Aıtbýkeshovtiń aıtýynsha, ásirese, ádebıetke jany qumar oqýshylardyń talabyna keń qoldaý jasalyp otyr. Tipti, mektep oqýshylarynyń Farıza aqynǵa arnaǵan shyǵarmalarynyń jınaǵy shyǵarylyp, aqyn murasyn keńinen nasıhattaýǵa qolǵa alynypty.
Sol sebepten, bilim ordasynda qazaqtyń kórnekti aqyny, qoǵam qaıratkeri Farıza Ońǵarsynova atyndaǵy arnaýly synyp ashý uıǵarylypty. Farıza Ońǵarsynova atyndaǵy synyptyń ashylýynda aqynnyń kýrstasy, fılologııa ǵylymdarynyń doktory, professor Qadyr Júsip stýdenttik kúnder esteligimen bólisti. Al pedagogıka ǵylymdarynyń kandıdaty Bıbigúl Qaıyrjanqyzy aqyn poezııasynyń tereń syrlary týraly áńgimeledi. Farıza aqyn shyǵarmashylyǵyn zertteýge talpynys bildirgen mektep oqýshylary óz óleńderin oqydy. Arnaýly synyptyń ashylýyna aqynnyń sińlisi Arıta Asqarqyzy da qatysty.
Joldasbek Shópeǵul.
Derek, sýret: egemen.kz.
