Petropavlda gazdan ýlanǵan eki adam aýrýhanaǵa jatqyzyldy

PETROPAVL. 27 qańtar. Petropavl qalasynyń N.Ostrovskıı kóshesindegi jylý kollektorynda belgili bir turaǵy joq 24 jáne 45 jastaǵy eki adam dene jaraqatyn alyp jáne gazdan ýlanyp, aýrýhanaǵa tústi. Olar mas kúıde bolyp, órt qaýipsizdigin saqtamaǵan. Bul týraly oblystyq tótenshe jaǵdaılar jónindegi departamenttiń baspasóz qyzmeti habarlady. Oblys ortalyǵynyń Ýkraın kóshesinde óz úıiniń aýlasynda 43 jastaǵy petropavldyq avtomobıline janarmaı quıyp jatyp, ústine benzın tógip alǵan. Syrt kıimin sheship jatqanda elektr ushqynynan benzın býy ózdiginen tutanyp, avtokólik ıesi termııalyq kúıikke shalynǵan. Ol aýyr jaǵdaıda aýrýhanaǵa jetkizildi. Býlaevo qalasyndaǵy jáne Vozvyshenka aýylyndaǵy turǵyn úılerden, Petropavl qalasynyń Rýjeınıkov kóshesindegi garajdan shyqqan órtke peshterdiń aqaýy sebep bolǵan. Býlaevo men Petropavl qalalarynda symdardyń qysqa tuıyqtalýynan jáne kólikti gazben qyzdyrýdan eki sheteldik avtomobıl órtengen. Jyl basynan beri oblysta 50 órt oqıǵasy tirkeldi, 2 adam qaıǵyly qazaǵa ushyrady, 3 adam ártúrli deńgeıde dene jaraqatyn aldy. О́mir Esqalı. Derek: Soltústik Qazaqstan oblystyq tótenshe jaǵdaılar jónindegi departamenttiń baspasóz qyzmeti. Sýret: otyrar.kz.