Reseıde din taqyrybynda karıkatýra jarııalaýǵa tyıym salyndy

ASTANA. 27 qańtar. « Roskomnadzor» RBK gazeti men bes elektrondy BAQ-tar redaksııalary men quryltaıshylaryna din taqyrybynda karıkatýra jarııalaǵandary úshin eskertý jasady. Bul týraly Lenta.ru habarlady. «Roskomnadzor» budan bylaı din taqyrybynda karıkatýra taratýshy BAQ-tardyń lısenzııalary alynatynyn eskertti. RBK agenttiginiń 15 qańtarda jarııalanǵan «Munyń ál-Kaıda ekenin jýrnalısterge aıt»  dep atalatyn maqalasyna baılanysty jazylǵan eskertý mátinine sáıkes, onyń janynda «musylmandardyń dinı sezimderin qorlap, din aralyq alaýyzdyqty qozdyratyn» sýretter qosa jarııalanǵan. «Roskomnadzor» mundaı faktilerdi BAQ týraly jáne «Lańkestik is-áreketterge qarsy qımyldar týraly» zańdar talaptaryn buzýshylyq retinde baǵalaıdy. Osyndaı eskertýler sondaı-aq «Vek» basylymyna, «VK Press» aqparat agenttigi júıesine, «Internovostı. Rý»elektrondy merzimdi basylymyna jáne «Lenızdat. Rý» ınternet-basylymyna jasaldy. Olardyń bári fransýzdyń Charlie Hebdo satıralyq jýrnalyna arnalǵan dinı sezimderdi qorlaıtyn karıkatýralar jarııalaǵan. Al www.kurier-media.ru basylymyna fransýz jýrnalynyń elektrondy nusqasyn jarııalaǵany úshin eskertý berildi. О́tken aptada dinı taqyrypta karıkatýra jarııalaǵan taǵy tórt BAQ – «Lenıngrad oblystyq aqparat agenttigi» («Lenoblınform»), RB.ru (Russian Bisiness), RuNews24.ru saıttary men «Respýblıka» portaly eskertý aldy. Murat Aıtqoja. Derek, sýret: Lenta.ru.