Qazaqstan halqy Assambleıasynyń Qazaqstan Respýblıkasynyń Prezıdenti, Elbasy N.Á.Nazarbaevty 2015 jylǵy Prezıdent saılaýyndaǵy jeńisimen QUTTYQTAÝY

Qurmetti Nursultan Ábishuly! Qazaqstan halqy Assambleıasy Sizdi jáne Siz arqyly – barsha Qazaqstan hal­qyn – 2015 jylǵy prezıdenttik saılaý­daǵy aıqyn jeńisińizben quttyqtaıdy. Assambleıanyń osy saılaýdy ótkizý jónindegi bastamasy halyq erkiniń aıshyqty kórinisine aınaldy, Qazaqstan halqynyń turaqtylyqqa, jarqyn keleshekke degen umtylysyn, Sizdiń áleý­mettik-ekonomıkalyq progres­ke, turaqty damýǵa, qoǵamdyq kelisim men el birligine baǵyttalǵan salmaqty saıasatyńyzdyń ári qaraı jalǵasýyna degen nıetin pash etti. Sizdiń «Nurly Jol» Jańa Ekono­mıkalyq Saıasatyńyz, Qazaqstannyń barlyq azamattary úshin qazirgi zaman­ǵy memleket qurýǵa baǵyttalǵan bes ınstı­týttyq reformańyz, «Máńgi­lik El» jalpyulttyq ıdeıańyz, Qazaq­stannyń damýynyń strategııalyq basymdyq­tarynyń ekonomıkalyq, áleýmettik, dúnıetanymdyq negizin qalyptastyryp ony iske asyrýdyń saıası tetikterin qamtamasyz etýdi qajet etken bolatyn. Sizdiń basty halyqaralyq uıymdar men álemdik deńgeıdegi kóshbasshylar, sondaı-aq mıllıondaǵan qarapaıym adamdar tarapynan qoldaýǵa ıe ha­lyqaralyq bedelińiz elimizdiń halyq­aralyq qoǵamdastyqqa sátti ınte­gra­sııalanýynyń sharty jáne Qazaqstannyń qaýipsiz damýynyń kepili bolyp tabylady. Orasan ekonomıkalyq jetistikter, halyqtyń ál-aýqatynyń artýy, turaq­tylyq, erteńgi kúnge degen senim bar­lyǵy da el ishinde Sizdiń atyńyzben baı­lanysty. Sizdiń saılaýdaǵy saltanatty jeńi­sińiz Qazaqstan halqynyń Sizdiń bas­shylyǵyńyzben ekonomıkalyq, áleýmettik damýdyń jańa belesterin baǵyndyrý nıetin bildiredi. Qazaqstan halqy tarıhı tańdaý ja­sady jáne el damýynyń eń kúrdeli ke­zeń­deri­nen memleketti senimdi túrde alyp shyq­qan óziniń Elbasyna daýys berdi. Biz Sizdiń saıası kóshbasshylyǵyńyz búgingi kúni qalyptasqan ǵalamdyq ahýal­­dan jáne memleket damýy men Qazaq­stan halqynyń qalaýynan týyndaıtyn mindetterdiń obektıvti balamasyz sheshimi dep málimdeımiz. Saılaý nátıjeleri Sizdiń tolyq, talassyz bedelińizdi kórsetti. Nursultan Ábishuly Siz barsha halyqtyń joǵary senim mandatyna ıesiz. Osy saılaýda elimizde azamattardyń buryn-sońdy bolmaǵan saıası belsendiligi tirkeldi. Bul el azamattarynyń saı­laýdyń ashyq, ádil, transparentti jáne halyqaralyq standarttarǵa, elimizdiń zań­na­masyna tolyq sáıkes ótýine yntasy jáne qoldaýy dep bilemiz. Biz osy saılaý el tarıhynda senim, ashyq­tyq, barlyq saıası kúshterdiń ózara qur­meti atmosferasynda ótken saılaý naýqanynyń jarqyn oń tájirıbesi retinde qalatynyna senimdimiz. Elektoratty proseske Sizdiń senimdi ókilińiz retinde; saılaý shtabynyń  múshesi retinde; saılaý naýqanyn elge taratqan jýrnalıstik top quramynda; sarapshy jáne qarapaıym daýys berýshi retinde qatysqan Qazaqstan halqy Assam­bleıasynyń músheleri saılaýdyń joǵary uıymdastyrýshylyq deńgeıi týraly, barlyq saılaý komıssııalarynyń jumysy týraly, halyqaralyq baqy­laý­shylarmen konstrýktıvti áriptestik týraly jappaı málimdeýde. Sizdiń bastamańyzben jarııalanǵan Qazaqstan halqy Assambleıasynyń jylyn ótkizý, osy jyl aıasynda uıymdas­tyrylǵan Assambleıanyń – «Beıbitshilik pen kelisimniń jol kartasy», «20 izgi is», «Meniń Qazaqstanym» poıyzy res­pýb­­lıkalyq aksııalary saılaý naýqa­nyn uıymdastyrýdyń utymdy tus­tary­na aınaldy. Mıllıondaǵan azamat Assam­bleıanyń azamattyq beıbitshilik pen qoǵam­dyq kelisimdi nyǵaıtý, áleý­met­tik ynty­maq­tastyq jáne el birligi jó­nin­degi jumy­syna tikeleı úles qosty. Qazaqstan halqy Assambleıasynyń HHII sessııasy saılaý prosesiniń joǵary núktesine aınaldy, qazaqstandyq patrıo­tızm­niń, el birliginiń, tolerant­tylyq pen bizdiń halqymyzdyń ashyq­tyǵynyń úzdik úlgilerin jáne eń bas­tysy Sizdiń saıasa­tyńyz­dyń saltanat qurýyn jáne halyq­tyń Elbasyna degen sheksiz senimin pash etti. О́tken saılaý Qazaqstan halqy­nyń birligin jáne tutastyǵyn, azamat­tary­myz­dyń óz taǵdyryn derbes sheshýge degen yn­tasyn kórsetti. Daýys berýshiler sany el tarıhynda buryn bolmaǵan rekordtyq kórsetkishke ıe boldy! Qazaqstan halqy keleshek aldyndaǵy jaýapkershiligin sezine otyryp, halyq pen eldiń bıik múddesin eskere otyryp, azamattyq jáne patrıottyq paryzyn oryndaý maqsatynda tańdaý jasady. Bul tańdaý halyqtyń kóshbasshysy – Elbasy, Qazaqstan Respýblıkasynyń Prezıdenti Nursultan Ábishuly Nazar­baevtyń jeńisine aınaldy! Bul Qazaqstan halqynyń jeńisi! Elimizdiń árbir azamatynyń jeńisi! Biz Sizdiń basshylyǵyńyzben memleket pen Qazaqstan halqy barlyq alǵa qoı­ǵan maq­sattaryna qol jetkizip, gúlden­gen elge aınalatynyna tolyq senimdimiz! Astana qalasy,  2015 j. 27 sáýir.