Hırýrgterdiń halyqaralyq forýmy

Naqtyraq aıtsaq, konfe­ren­sııaǵa eldegi medısınalyq uıym­dardyń jetekshi mamandary men AQSh, Qytaı, Slovenııa, Ký­veıt, Germanııa, Reseı, Qyrǵyz­stan, О́zbekstan, Tájikstan­nyń dárigerleri qatysty. Forým­ǵa kelgen mamandardyń sany eki kúnde 2 000-ǵa jetse, tikeleı trans­lıasııany 4 myńǵa jýyq adam tamashalaǵan. Budan óz­ge Prezıdent is basqarmasy medı­sınalyq ortalyǵynyń aýrýhanasymen qatar, Úndistan, Túrkııa aýrýhanalarynyń operasııa zaldarynan tikeleı translıasııa tarady. Bul kúnderi dárigerler kardıohırýrgııa, neırohırýrgııa jáne qantamyr hırýrgııa­sy boıynsha 6 pasıentke tike­leı efırde operasııa jasasa, ony forýmǵa jıylǵan mamandar birge talqylady.

Konferensııanyń birinshi kúninde Prezıdent is basqarma­sy medısınalyq ortalyǵy men Qytaıdyń «Xuanwu Hospital» aýrýhanasy áriptestik baılanys týraly memorandýmǵa qol qoıdy. «Xuanwu Hospital» – Qytaıda 1968 jyly ashylǵan nevrologııa men neırohırýr­gııa boıynsha alǵashqy ǵyly­mı-zertteý ortalyǵy sanala­dy. Ha­lyqaralyq Madjıda Samı neırohırýrgııa jáne neıro­bıologııa ınstıtýty quramy­na kiretin neırohırýrgııalyq klı­­nıka. Osyǵan qosa klınıka ulttyq deńgeıde nevro­lo­gııalyq buzylystar men neıro­hırýrgııalyq aýrýlardy emdeýde, zertteýde jetekshi ortalyq dep tanylǵan. Memorandým aıasynda eki eldiń klınıkalary tájirıbe almasyp, baılanys ornatady. Osy qujattyń arqasynda epılepsııa oshaǵyn anyqtaıtyn Remebot roboty endi eldiń barlyq óńiri úshin qoljetimdi bolady.

PIB Medısınalyq ortalyǵy aýrýhanasy dırektorynyń hırýrgııa boıynsha orynbasary Myńjylqy Berdiqojaev jańa qurylǵynyń naýqastardy em­deýde áleýeti zor ekenin aıtty.

«Árıne, operasııany robotsyz da jasaı berýge bolady, biraq ol uzaqtaý ótedi. Atal­ǵan stereotaktıkalyq qurylǵy adam basyna ornatylyp, bas súıegindegi 13 tesik arqyly elek­trodtardy qondyryp, 3-4 kúnde epıleptıkalyq oshaqtyń qaı jerde ekenin anyqtaýǵa múmkindik beredi. Osy arqyly tek sol jerdi kúıdirip, naýqasty emdep, saýyqtyryp jiberýge bolady. Bul tehnologııa qazir Prezıdent is basqarmasy medı­sınalyq ortalyǵy aýrýha­na­synyń Epıleptologııa orta­lyǵynda qoldanylady. Keler jyldan bastap ár aýrýhana múm­kindigi bolsa osy robotty satyp alyp, qoldana alady», deıdi neırohırýrg M.Berdiqojaev.

Eki kúnde hırýrgııanyń bar­lyq baǵyty qamtyldy. Qonaq­tar men jergilikti dárigerler eresekter men balalardy em­deý máseleleri boıynsha baıandama oqydy. Onyń ishinde jalpy hırýrgııa, ýrologııa, proktologııa, gınekologııa, kardıohırýrgııa, neırohırýrgııa, qantamyr hırýrgııasy, ıntervensııalyq hırýrgııa, arıtmologııa, otorınolarıngologııa, oftalmologııa, onkologııa syndy barlyq baǵyt nazardan tys qalmady.

Forýmǵa Germanııadan kelgen neırohırýrg, professor Danel Hengı keleshekte eldegi bilikti dárigerlermen tyǵyz áriptestik baılanys ornatqysy keletinin málimdedi.

«Búgin men neırohırýr­gııa­lyq seksııaǵa qatystym. О́z basym álemniń túkpir-túk­pi­rindegi áriptestermen tyǵyz baılanys­ta bolyp, bilgenimizdi bóli­sip otyrý, tájirıbe alma­sý asa mańyzdy dep oılaımyn. Bul ǵylym, neıroǵylym jáne ınnovasııa úshin qajet. Osyndaı forýmdarǵa kelgende áriptesterimdi, olardyń ju­my­syndaǵy qyzyqty jaǵ­daılar­dy, sátterdi esti­gen saıyn jańa nárse úırenemin. Búgin de sondaı tyń tájirıbe­ge qanyqtyq. Bolashaqta áriptestermen tyǵyz baılanysta bolǵymyz keledi. О́ıt­keni saladaǵy mamandardyń birinen-biri úıreneri kóp», deıdi professor.

Mysyrdyń neıroradıolog-dárigeri Ahmad myrza elimizge ekinshi márte kelip tur eken. Onyń sózinshe, 2019 jylmen salystyrǵanda eldegi medısına áldeqaıda ilgerilegen.

– Meniń neıroradıologııa salasynda júrgenime 20 jyl boldy. Keshe konferensııada «Mehanıkalyq troboektomııa dárejesi jáne AQSh-taǵy júrektiń jedel ıshemııalyq aýrýlaryn emdeý tásilderi» ta­­qyrybynda baıandama jasadym. Dárigerler ıshemııalyq aýrý­lardy der kezinde anyq­tap, emdeýi úshin birinshi kezekte onyń qandaı kúrdeli aýrý eke­nin túsinýi mańyzdy. Osy týraly aıttym. 2019 jyly Myń­jyl­qy Saılaýulymen bir­ge Alma­tydaǵy ortalyqta bol­ǵan edim. Sol kezeńmen salys­tyrǵanda qazir sizderde medısına joǵary deńgeıde ekenin, bir orynda turyp qalmaı, damyp jatqanyn kórdim, ózgeristi baıqadym, – deıdi neıraradıolog.

Konferensııada maman­dar «Endoskopııa», «Otorıno­la­rıngologııa, oftalmologııa», «Ortopedııa», «Ýrologııa», «Kardıohırýrgııa» sekildi bir­neshe seksııaǵa bólinip, operasııa barysyndaǵy túrli tosyn jaǵ­daılarda qalaı áreket etý ke­regin birlesip talqylady.