Sýret: instagram@mfa_kz
Bul jahandyq is-shara BUU Bas hatshysy Antonıý Gýterrıshtiń bastamasymen ótkizilip, qazirgi tańdaǵy jáne keleshekte týyndaıtyn máselelerdiń birlesken sheshimderin tabýǵa baǵyttalǵan. Sondaı-aq sammıt álemde beıbitshilik pen órkendeýge jol ashatyn jáne halyqaralyq ınstıtýttardy zańdy ári tıimdi etetin sheshimder qabyldaýdyń mańyzdy múmkindigin ashýǵa tıis.
Sammıttiń ashylýynda BUU basshysy HHI ǵasyrdyń syn-qaterleri HHI ǵasyrdyń sheshimderin: jan-jaqty jáne ınklıýzıvti, sondaı-aq búkil adamzattyń tájirıbesine súıenetin negizdemelik sheshimderdi talap etetinin málimdedi.
«Men bul sammıtte BUU Jarǵysynyń qundylyqtaryna negizdelgen jahandyq ınstıtýttardy zańdy, ádil ári tıimdi etý úshin tereń reformalardy qarastyrýǵa shaqyrdym. Sondaı-aq bizge qaıtadan jolǵa túsý úshin qatań sheshimder qajet. О́ıtkeni bizdiń álem relsten shyǵyp bara jatyr», dedi Bas hatshy.
Sammıtke BUU-ǵa múshe 130-dan asa eldiń memleket jáne úkimet basshylary, syrtqy ister mınıstrleri, sondaı-aq halyqaralyq uıymdar men azamattyq qoǵam ókilderi qatysty.
Sapardyń alǵashqy kúni Syrtqy ister mınıstri Murat Nurtileý Serbııanyń Syrtqy ister mınıstri Marko Djýrıchpen, Albanııanyń Syrtqy ister mınıstri Iglı Hasanımen, Angolanyń Syrtqy ister mınıstri Tete Antonıomen, Mońǵolııanyń Syrtqy ister mınıstri Batmýnhıın Batsesegpen ekijaqty kezdesýler ótkizdi. Kelissózder barysynda saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń qazirgi jaǵdaıy men damý keleshegi talqylandy. Taraptar jahandyq jáne halyqaralyq kún tártibindegi ózekti máseleler boıynsha pikir almasty, sondaı-aq ózara is-qımyldyń barlyq baǵyttary boıynsha syndarly dıalogti jalǵastyrýǵa ýaǵdalasty.
Jalpy, Bolashaq sammıti – 22-23 qyrkúıek kúnderi Nıý-Iorktegi BUU shtab-páterinde ótken joǵary deńgeıdegi is-shara. Álemdik kóshbasshylar jahanǵa ortaq jarqyn bolashaqty qalaı qamtamasyz etý kerektigi týraly jańa halyqaralyq konsensýs qurý úshin jınalyp otyr. Olar Bolashaq paktisin, jahandyq sıfrlyq shartty jáne bolashaq urpaq týraly deklarasııany biraýyzdan qabyldady.
