Jańa kitap tanystyryldy

Elordada Qazaqstandaǵy Ázer­­baı­jannyń mádenı kúnderi aıasyn­da Ulttyq akademııalyq kitapha­­­na­­da Ázer­baıjan ádebıe­tiniń bu­ry­­shy ashyl­dy. Kitaphana qo­ry baýyr­­­las eldiń klassıkalyq jáne zama­­­naýı ádebıetimen, el mem­le­ketti­ligi­niń qa­lyp­tasý tarıhymen, ­salt-dástúr­lerine qa­tysty materıaldarmen, sonyń ishinde aqyn, oıshyl Muhammed Fızýlı, Myrza Fatalı Ahýndov, Gýseın Djavıdı, jazýshy Anar Rzaev kitaptarymen, taǵy basqa qun­dy dú­nıelermen tolyqty. Sondaı-aq kitaphanalyq-aqparattyq qyzmetti odan ári damytý, halyqaralyq kitap alma­sý múmkindigin qalyptasty­rý maq­satynda Ulttyq akademııalyq kitaphana men Ázerbaıjan Ult­tyq kitaphanasy arasynda ynty­maq­tastyq memorandýmyna qol qoıyldy. Is-sharada Qazaqstan Jazýshylar oda­ǵynyń hatshysy, aqyn Dáýletkereı Kápuly eki eldiń tyǵyz ádebı baılanysyn tilge tıek ete kele, baýyrlas eldiń belgili qos qalamgerine Qazaqstan Jazýshylar odaǵynyń qurmetti múshesi kýáligin tabys etti. Rýhanı sharanyń sońy Ázerbaıjannyń halyq jazýshysy Elmıra Ahýndovanyń «Zarıfa jáne Geıdar Alıevter. Máń­gilik mahabbat» atty kitabynyń tusaýkeser rásimine ulasty.

Ádebı keshtiń tizginin qolǵa alǵan jazýshy, Memlekettik syılyqtyń laýreaty Álibek Asqar baýyrlas túrki elderiniń qarqyndy damyp kele jatqan rýhanı baılanystaryna toqtalyp, qonaqtarǵa sóz usyndy. Alǵashqy bolyp sóz alǵan Ázerbaıjannyń Mádenıet mınıstri Adıl Kerımlı týysqandyq tańbasy men kitaptyń mańyzyn aıtty.

– Kesheden beri Astanada Ázer­baı­jan kúnderi óte tabysty ótip jatyr. Mádenı ómirimizdiń jarqyn úlgisin kórsetetin qos kitaptyń tusaýke­se­rin jasaý – eki halyqtyń tarıhı, mádenı tutastyǵynyń aı­ǵaǵy dep bilemin. Ázerbaıjan men Qazaqstan qanshama jyldan be­ri dostyq qarym-qatynasty be­rik saqtap keledi. Bizdi ortaq tarıh, uqsas mádenıet pen dástúri­miz jaqyndastyrady. Búgin Ázerbaı­jannyń halyq jazýshysy Elmıra Ahýndovanyń «Zarıfa jáne Geı­dar Alıevter. Máńgilik mahabbat» kitabynyń tusaýyn kesip otyrmyz. Bul jaı ǵana ádebı kitap emes, ishine tolaǵaı qazyna jasyrǵan biregeı dúnıe, – dedi mınıstr.

Munan soń Arhıv, qujattama jáne kitap isi komıteti tóraǵasynyń orynbasary Rollan Quspan qonaq­tarǵa qushaǵymyzdyń aıqara ashyq ekenin baıan etti.

– Jalpy, osy is-sharalardyń bar­lyǵy baýyrlas qos halyqtyń or­taq tarıhynyń, ortaq mádenıeti­niń úlgisin kórsetip otyr. Keshegi Fı­zýlıdiń 530 jyldyǵyna arnal­ǵan jınaq, búgingi Ázerbaıjan áde­bıetine arnal­ǵan buryshtyń ashy­lýy, túrki halyq­taryna or­taq tulǵasy Geıdar Álıev jónin­degi kitaptyń tusaýkeser rásimi ótýi – ózara yntymaqtastyqtyń belgisi. Mádenı, ádebı taraptyń qaı-qaısysynan bolsyn, Qazaqstannyń baýyrlas elge qushaǵy ashyq. Ǵasyr­larǵa kósh tartqan úlken qundy­lyqta­rymyzdyń oqyrmandary arta bersin degim keledi, – dedi ol.

Tamyry tutas eki halyq ókil­deri bir-birine súıispenshilik sezimin bildirip, ózara tilge qurmet kórsetti. Máselen, Qazaqstandaǵy Ázerbaıjan elshisi Agalar Ata­moglanov qazaq tilinde oı órbitip, qonaqtardyń qoshemetine ıe boldy.

– Qazaqstan men Ázerbaıjan­nyń san ǵasyrlardan kele jatqan ortaq salt-dástúrleri bar. Elimizdiń ha­lyq jazýshysy Elmıra Ahýndova­nyń ulttyq kóshbasshymyz Geıdar Alıevti zertteýdegi eńbegi ora­san. Kóbimiz biletin bul tarıhı tul­ǵa týraly qanshama kitap jazylǵan, ­al bul jınaq aıryqsha til, stıli­men erekshelenedi, – dedi elshi.

Halyqaralyq túrki mádenıeti men murasy qorynyń prezıdenti Aqtoty Raıymqulova túrik tilin­de sóz sabaq­tap, kitap avtoryna aqjarma alǵysyn bildirdi.

– Qadirli Geıdar Alıevter ot­ba­­synyń baqyty, qıly taǵdyry tek ázerbaıjan eliniń júreginde emes, barlyq adamzat ómiriniń má­de­nı-rýhanı ómirinde iz qal­dyr­dy dep oılaımyn. Munda bir ot­ba­synyń baqyty ǵana emes, bar­­lyq halyq­tyń baqytty ómi­ri jatyr. Osyn­daı tamasha ot­ba­­synyń qupııa­syn, ­qyr-sy­ryn ashyp, ózgelerge nasıhat­­taı bil­gen Elmıra hanym Ahýndova­ǵa alǵysymdy bildire­min, – dedi Aqtoty Raıymqulova.

Rýhanı is-shara sońynda jazýshy Elmıra Ahýndova jańa jınaq­tyń taralymyn ósirý týraly usynys aı­typ, Astana oqyr­mandarymen arna­ıy kezdesýge ­da­ıyn ekenin jetkizdi.