Foto Senattyń baspasóz qyzmeti
Qazaqstanda atom elektr stansııasynyń qurylysyn salý kezdesýdiń negizgi taqyryby boldy. Senator óz sózinde atom elektr stansııasyn salý máselesi elimizdiń qazirgi energetıkalyq máselelerin sheshýdegi mańyzdy qadam ekenin atap ótti. Dúısembınovtyń aıtýynsha, AES Qazaqstanǵa elektr energııasyna degen ósip kele jatqan suranysqa jaýap berip qana qoımaı, bolashaqta turaqty ekonomıkalyq ósimge negiz bolady.
«Atom elektr stansııasy Qazaqstannyń kómirtegi energııa kózderine táýeldiligin azaıtady, bul elimizdiń ekologııalyq jaǵdaıyna oń ózgerister ákeledi. AES aınalasyndaǵy ınfraqurylymdy damytý jańa jumys oryndaryn ashýǵa jáne óńirdi damytýǵa yqpal etetin bolady», dedi Sultan Dúısembınov.
Senator sonymen qatar atom energııasyn paıdalanýdyń halyqaralyq tájirıbesine egjeı-tegjeıli toqtaldy jáne onyń ekologııalyq artyqshylyǵyn atap ótti. Ol atom energetıkasyna kóshý kómirtegi shyǵaryndysyn azaıtady jáne klımattyń ózgerýine yqpal etedi. Bul ásirese qazirgi ekologııalyq qaýip-qater jaǵdaıynda mańyzdy ekeni aıtyldy.
Sultan Dúısembınov kezdesý sońynda Talǵar aýdanynyń turǵyndaryn 6 qazanda ótetin aldaǵy referendýmǵa belsendi qatysýǵa jáne AES salý máselesi boıynsha óziniń azamattyq ustanymyn bildirýge shaqyrdy.
