Barshany baýraǵan Býrabaı

Resmı derekterge súıensek, maýsym-tamyz aralyǵynda Býrabaıǵa 450 myńnan astam qonaq saparlaǵan. Bul statıstıkany byltyrmen salystyr­saq, 20 myńǵa artyq. «Býrabaı» memleket­tik ulttyq tabıǵı parkiniń dıreksııasy habarlaǵandaı, jyl basynan beri ulttyq park 650 myńnan astam qonaq qabyldaǵan. Al byltyrǵy osy mezgil­degi kórsetkish – 550,7 myń adam. Bul Ult­tyq parkke týrısterdi tartý baǵytynda iske asyp jatqan jumystyń jemisi. О́ıtkeni Býrabaı búginde elishilik qana emes, halyqaralyq deńgeıdegi sporttyq is-sharalar ótetin orynǵa aınalyp keledi. Ol Býrabaıdy tanytyp, týrısterdi tartýǵa yqpal etedi. Mysaly, bıyl «X-Waters Kazakhstan 2024», «Aqbura Bay trail 2024» syndy sporttyq is-sharalarǵa myńdaǵan adam kelgen.

«Infraqurylymdy damytyp, eks­kýrsııalyq baǵdarlamalardy keńeıte bersek, bul qadamymyz eldegi ǵana emes, shetelden kelgen qonaqtardy da qyzyqtyrady. Týrıstik maýsymda qonaqtardyń kóp kelýine yqpaldasady. Jazda parkke 8 myńnan astam she­tel­dik týrıst keldi. Qonaqtardyń geogra­fııasy jóninde TOP-5 eldiń qataryn­da Reseı, О́zbekstan, Túrikmenstan, Germanııa, Qytaı bar. AQSh azamattary da qyzyǵýshylyq tanytyp otyr», dedi «Býrabaı» MUTP dırektorynyń damý jónindegi orynbasary Venera Nuǵymanova.

«Býrabaı» memlekettik ulttyq ta­bı­ǵı parki ekologııalyq týrızmdi da­mytýǵa erekshe nazar aýdaryp keledi. Ult­tyq park basshylyǵy týrızmniń osy baǵy­tyn damytý maqsatynda qandaı qadamǵa barý keregin jaqsy biledi. Osy turǵy­da aldaǵy ýaqytta Býrabaıdyń ajary kire túsedi degen­ge senim mol. Búginniń ózinde aýmaqtyń tabıǵatymen jaqynyraq tanysýǵa kó­mek­tesetin ekologııalyq soqpaqtar men týrıstik marshrýttar arqyly jazda 9 myń­nan astam adam júrip ótken. Jazǵy maý­symnyń qorytyndysynan «Býrabaı» ulttyq parki ishki týrızmniń jetekshi baǵyttarynyń biri retindegi pozısııasyn nyǵaıta túskeni anyq baıqalady.