Petropavldyq balalar múgedek ájelerine konsert qoıdy

PETROPAVL. 15 maýsym.  Asyraýynda múgedek balalar bar «Asyl ana» oblystyq qoǵamdyq uıymy mektep búldirshinderinde qonaqta boldy. Bul týraly egemen tilshisi habarlady. Asyraýynda múgedek balalar bar «Asyl ana» oblystyq qoǵamdyq birlestigi 18 jyldan beri qaıyrymdylyq sharalarmen aınalysyp keledi. Búginde onyń quramynda taǵdyrdyń jazýymen ártúrli múgedektikke ushyraǵan 73 ana bar.  О́mirdiń qıyndyǵyn kóp kórse de, moıymaǵan, alǵashqy kúnnen negizin qalap, onyń jumysyna belsene qatysyp kele jatqan Teńdik Sársekeeva uıymǵa jetekshilik etedi. Irge kótergen ýaqyttan beri onyń músheleri ondaǵan otbasylar men múgedek balalarǵa demeýshi taýyp, ornyǵýyna, jumysqa ornalasýǵa kómektesti. Bul joly «Jas daryn» óner mektebiniń kishkentaı balǵyndary múgedek ájelerin qonaqqa   shaqyryp, erekshe qurmet kórsetti. Aq dastarhan jaıyp, konsert qoıdy. О́zderiniń qylqalamdarynan shyqqan shyǵarmalaryn usyndy. Sahnaǵa shyǵaryp, izet bildirdi.  Taqpaq oqyp, án aıtyp, kóńilderin kóterdi. «Men úshinshi toptaǵy múgedekpin. Bir jyldan beri osy uıymnyń múshesimin. Teńdik Shaıqyzynyń jas urpaq boıyna qazaqstandyq patrıotızm rýhyn darytyp júrgen eren isterine rızamyn. Biz ol kisiniń jetekshiligimen qoǵamdyq sharalarǵa únemi aralasyp otyramyz», deıdi Qarlyǵash Shaımergenova. О́mir Esqalı. Derek, sýret: egemen.kz