Oqıǵa • 27 Qyrkúıek, 2024

Ulytaý turǵyny 16 myń tonna marganes rýdasyn zańsyz óndirgen

160 ret

kórsetildi

1 mın

oqý úshin

Qarjylyq monıtorıng agenttigi Ulytaý óńirinde marganes rýdasyn ruqsatsyz óndirýge, keıin ony zańdastyrýǵa qatysty tergeýdi aıaqtap, isti sotqa jibergen. Qylmys «Qazaqstan Ǵarysh Sapary» AQ-nyń aeroǵaryshtyq sýretteriniń kómegimen anyqtalǵan, dep habarlaıdy Egemen.kz.

Qyrmyzy JUMAǴALIQYZY

Ulytaý turǵyny 16 myń tonna marganes rýdasyn zańsyz óndirgen

Foto: Qarjylyq monıtorıng agenttigi

Anyqtalǵandaı, óńir turǵyny 2020-2023 jyldar aralyǵynda ruqsat qujattarynsyz Ulytaý oblysyndaǵy «Vostochnyı karerinen» marganes rýdasyn zańsyz óndirýmen aınalysqan.

Jer qoınaýyn óz betinshe paıdalaný faktilerin tergep-tekserý barysynda karer ornalasqan jer ýchaskesin paıdalaný jónindegi ruqsat qaǵazy ýákiletti organdardan berilmegeni, sondaı-aq joǵaryda atalǵan azamattyń tıisti tirkeýi joq ekeni belgili bolǵan.

«Keıinnen kúdikti jalǵan shot-faktýralardy jazyp, zańsyz óndirilgen marganes rýdasyn zańdastyryp, respýblıka boıynsha jáne ózge memleketterge ótkizgen. Memleketke 1 mlrd teńgeden astam shyǵyn keltirilgen. Zańsyz óndirilgen ken kólemi 16 myń tonnany qurap, jalpy somasy 3 mlrd teńgeden asady», dep habarlady Qarjylyq monıtorıng agenttiginiń baspasóz qyzmeti.

Atalǵan qylmysty jasaǵan adamnyń 337 mln teńgelik jyljymaly jáne jyljymaıtyn múlki tárkilengen.