О́rkendeýdiń negizgi baǵyt-baǵdary

Joldaýdyń mán-mazmuny – ár azamatqa teńdeı múmkindik beretin órkenıetti Ádiletti Qazaqstandy qurý. Mine, búginde Prezıdent bastamasymen bir­qatar jumys iske asyryldy. Atap aıtsaq, keleshek urpaqty tárbıeleıtin bilikti ustazdardyń jalaqysy 2000 jyldan beri eki ese ósti. Dárigerlerdiń aıly­ǵy da aıtarlyqtaı kóbeıdi. Otandastarymyzǵa zeınetaqy jınaǵynyń bir bóligin paıdalaný múmkindigi berildi.

Jańa jyldan bastap bala­lar­dyń esepshotyna qarajat túse bastady. Sondaı-aq «Halyq únine qulaq asatyn memleket» qaǵıdaty naqty iske asyrylyp, júıeli jalǵasyp keledi.

Buǵan qosa «Jaıly mektep» jobasy aıasynda 2025 jylǵa deıin 800 myń balanyń zamanaýı mektepte oqýyna jaǵdaı jasalady. Osylaısha apatty jaǵdaıdaǵy jáne úsh aýysymen oqıtyn mektep máselesi tolyq sheshiledi dep josparlanyp otyr. Qazir elimizde densaýlyq saqtaý nysandary salynyp jatyr. Ulttyq joba aıasynda 32 aýdandyq aýrýhana zamanǵa saı jańaryp keledi.

Prezıdent 2025 jylǵa deıin jergilikti joldardyń keminde 95 paıyzyn jaqsartý jóninde tapsyrma bergenin jetkizdi. Buǵan qosa sarbazdardyń qa­ýip­sizdigin qamtamasyz etý jáne olardyń óz mindetterin oryndaýy úshin jaǵdaı jasaý ásker basshylyǵynyń jaýap­kershiliginde ekenin aıtty. Qasym-Jomart Toqaev Qarýly Kúshterde sarbazdar óz Otanyna laıyqty qyzmet etýi úshin zań men tártipti qatań saqtaý qajettigine nazar saldy.

«Jastar áskerge Otan aldyn­daǵy boryshyn óteýge bara­dy. Jas sarbazdarymyz óz mindetin alańsyz oryndaýy úshin ásker qatarynda, eń aldymen, temirdeı tártip bolýǵa tıis. Qarýly kúshter men basqa da kúshtik qurylymdar osy ta­lapty múltiksiz oryndaýy qajet. Ár ata-ana áskerge ket­ken balasyn memleketke senip tapsyrady. Sondyqtan sarbazdardyń densaýlyǵy men qaýipsizdigine, eń aldymen, armııa basshylyǵy jáne quqyq qorǵaý mekemeleriniń basshylary ja­ýapty», dep naqtylady Q.Toqaev.

Jalpy, memleket áskerı qyz­met­shilerge meılinshe qam­qorlyq jasap keledi. Olarǵa aı saıynǵy turǵyn úı tólemderi, baspanany jekeshelendirýdiń ornyna aqshalaı ótemaqy tóleý jalǵasyp jatyr. Áskerı qyz­met­shilerge turǵyn úı tólem­­derin júzege asyrý negizgi áleýmettik qoldaý bolyp esep­te­linedi.

Almagúl MÝSINA,

Almaty oblysy Qonaev qalasy 65476 áskerı bóliminiń memlekettik tildi damytý jónindegi mamany